lirik lagu tawfeeq – fekr we masha3er | فكر و مشاعر
fekr we masha3er | فكر و مشاعر lyrics
[المقطع الأول]
شوفت كتير من الدنيا وإتهديت كتير
إتمنيت شريك جالك فإتمسكت بيه
شلت عنها الخوف، شالت عنك حمل سنين
الدنيا دي بتضحك بس للناس التانيين
طول عمري قاعد ورا شباكي بتفرج وأستغرب
إن اللي بيقدر كرامتك مش موجود أصلاً فظلمتك
كان نفسي أديك نصيحة بس للأسف مش بنطق
علشان الضلمة علمتني إزاي مديش مجال للغلطة
كل حاجة ماتت فينا، باين الدنيا حالفة إنها هتكيدك
نفسهم ينهبوا رزقك اللي في إيدك
عايش تتمنى الفرصة بس إن تجيلك
إوعاك تتخيل إن حد هيشيلك
هياخد منك بعد كده هيسيبك
هياكل الشهد من عرق جبينك
إقتنع بقى إن الأيام دي بتهينك
ولا بيفيدك الندم
إشكر الزمن اللي خلى قلبك مينا للألم
كل ما نقول نسينا نلقى هم
دايماً بنقارن مين فينا الأهم
إقتنع إن إنت نصيبك إتكتب
ليه تعمل الغلط وتقول أنا السبب
إستغنى عن قلبك عشانك بسبب قلبك
إنت هتفضل في حيرة للأبد
[اللازمة]
تايه دايماً بين كلام عقلي وقلبي
بين المشاعر والفكر
هنسى الأذى اللي إتحملته ولا يمكن أأذي
ولا أرجع من تاني للصفر
تايه بين فكر ومشاعر، فكر ومشاعر
توهه هدتني وبتزيدني في متاعب
تايه بين فكر ومشاعر، فكر ومشاعر
توهه هدتني وبتزيدني في متاعب
[المقطع الثاني]
عندك حق فعلاً الدنيا بتعلمني
ما تنطق وتفهمني إزاي أحب اللي بيهينني
ياما شككتني في نفسي وياما كنت بتوهمني
بس إنت مهما هتقولي قلبي مش هينكر فضل اللي بيشلني
عارف كل حاجة عنك، عارف عنك كل تفاصيلك
عارف إن إنت خايف أمشي ورا قلبي وأتجنبك أو حتى أسيبك
إوعى تفتكر إن إنت بتتحكم بالأمور كلها وإنها بإيدك
قلبي ياما شالني لما الكل قالي إن عقلك هيوديك ويجيبك
من طريقك أنا تعبت، قلبي منك شال العبئ
سبتك تتعامل لكني هعالج اللي بايظ منك
مش هديلك أنا الفرصة تاني تعِك
أنا أشد وإنت تشد، سيبتك تقع لما فهمت
إنك بتسد الطريق الوحيد اللي ممكن أتعالج بيه
هو إني أنا أأمن وأحب
بسبب كلامك معايا شافوني بتكلم مع نفسي
قالوا إني مش عاقل، أنا مش عارف
ليه بتخوفني ما تسيبني أنا وقلبي في الدنيا نتعامل
حالي مش عاجب
جت الساعة اللي لازم أنا وإنت فيها نتعاتب
حالي مش عاجب
جت الساعة اللي لازم أنا وإنت فيها نتعاتب
[اللازمة]
تايه دايماً بين كلام عقلي وقلبي
بين المشاعر والفكر
هنسى الأذى اللي إتحملته ولا يمكن أأذي
ولا أرجع من تاني للصفر
تايه بين فكر ومشاعر، فكر ومشاعر
توهه هدتني وبتزيدني في متاعب
تايه بين فكر ومشاعر، فكر ومشاعر
توهه هدتني وبتزيدني في متاعب
Lirik lagu lainnya:
- lirik lagu mal devisa – sea of limbs
- lirik lagu юра аристов (yura aristov) – доширак (doshirak)
- lirik lagu elias & the wizzkids – i wish
- lirik lagu king prince – vang anthem
- lirik lagu oma – copilot
- lirik lagu fmask – mon aura 2
- lirik lagu betweentheveinsandi – bodyrot
- lirik lagu corey taylor – lunatic fringe
- lirik lagu reh dogg – black on black murder
- lirik lagu горшенев (gorshenev) – к новой жизни! (to new life!)