lirik lagu shi7a – شيحا – الواقع فيك
وحيد كأني آخر رصاصة ببارودة جندي متحاصر
خايف إذا طلعت ما صيب أو بعد ما فوت براسو يتآزر!
متأخر ع حياتي أكتر من ساعة شتوية
وعيي ضايع بين الناس الأواعيا مكوية
و وعائي امتلى..ذكائي ابتلى..ب لاء مبلا
جرب اسألا..للحياة عني بتقلك قراراتي مطوية
تحت جناح اللامبالاة اللامركزية الدايق خلقا
ما عم اقدر فيق و اثبت أرض الواقع بتزحط و زلقة
جواتي نار عم تحتمي ورا برودة الأعصاب
جواتي حجار ما عم تنرمي لأن ما بشوف بالضباب
راسي عالي دماغي foggy لكن يومياتي بخوت
الحقيقي لو انحنى ولا ما بهاب موت
صديقي هو أنا و أنا ذبذبات صوت
فحوى التشات ذكريات تخوت..فجاة بيوصل voice note
أين أنت من هذا ؟!
كيف متى و لماذا ؟!
رضيت تتحول لانسان مالو عازة !
الواقع فيك
أين أنت من هذا ؟!
حاج تدور ع إجابة..
السؤال هو انت و الجواب واقع فيك
كان عندي سمكتين بالغرفة كانوا هدية عيد ميلادي
ماتوا بأقل من شهر..نسيتن فورا لأني “بعييييد”
و لحد هي اللحظة حوضن قبال التخت..و متلي
جثثن غرقانة تححلت و ميتن صارت ضحلة
طارت نحلة من يومين حدي و حاولت كشا
بلشت تلحقني و ملت بعد ما قررت دشا
فكرت فيا..كان ممكن تضحي بحياتا لتأذيني
ذكرتني بكتير ناس طلع عسلن ما بيرويني!
أساسا وجع ضراسي ما بيسمحلي اكل حلو
بس للأسف وضع راسي بدو تكمشية تفعلو
ف كاسة المتة..كاسة سكر ممكن بمعلقة متة تحضى
بس قهوتي سادة..يلا الكافيين لحالو بيعمل نفضة
ما برضى شوف دكتور نفسي بعالج حالي بشكل ساخر
لاني بخاف مرضو معي و مالي بمسؤولية آخر!
آخر مرة نمت فيا نمت لأني قررت
صرلي يومين عم فكر شو فكرت ل نمت!
شو كان عندي تاني يوم شي بيستاهل شوقي؟
اذا ع شعبة التجنيد ما عم فيق لأجل سوقي
ليش بسموه سوق بحس حالي كبش ب طرش
او يمكن سوق لانو ببيعونا يوم الالتحاق بقرش!
هه نعست أخيرا يلا باي رايح نام
و فجأة بيلمعو عيوني متل كاتدرائية نوتردام
أين أنت من هذا !
من ملاعب اليأس..الدنية كلا ضغوطات
لو اللهبة بدا هذف لكنت الخليفة جاد
صدقني كنت ناوي كفي بلا عياط
بس ياللي كان محل ثقة..طلع محل بواط
هادي و ما ناطر ع كلمة..أمي بتحكيلي
اوعك يا ولد يوم بيقنعوك تنسيني
يوم انطلبت ع الفرع قلتلن “محكي فيني”
كنت اصلي مع الكل بس الكل عمل صيني
بس بغل خدش فيني..بس بمل
حرب الرصاص لعب..هون الحرب حرب ذل
شلتا سلاح ما بقوص..نفسيا حكى انزلوا
و الصراحة ما بتخوف بس انا اللي كذبي حلو!
بهالحارة التجارة غوا أطفالا دكاكين
بيوتا كلا انباعت اخدنا فيا الدكاكين
جوا الحارة الكل عاقل برا كلن مجانين
ياللي ما قدر عليها عابر..ياللي تحملوا مقيمين
قالوا العتب ع الرخيص و الغالي مو مضمون
ما شافو الثقة بالنفس راحوا دوروا بالكروم
قالوا ما تحكم ع مظهر..طب تعا خود مضمون
طول ما بفيق ع غروب خفيف الظل رح كون
أين أنت من هذا ؟!
كيف متى و لماذا ؟!
رضيت تتحول لانسان مالو عازة !
الواقع فيك
أين أنت من هذا ؟!
حاج تدور ع إجابة..
السؤال هو انت و الجواب واقع فيك
أين أنت من هذا ؟!
Lirik lagu lainnya:
- lirik lagu harry nathan – sweet vanilla sky
- lirik lagu shellac – steady as she goes (2004 peel session)
- lirik lagu romain virgo – cruise
- lirik lagu svmp, oneone, eric ananda – you & me (vip)
- lirik lagu mouad – enemies
- lirik lagu malía (brasil) – dilema
- lirik lagu summer underground – overture
- lirik lagu rizon – elhervadt jégvirág
- lirik lagu the beatles – rocky raccoon (take 8)
- lirik lagu lil happy lil sad – can’t feel none