lirik lagu richard i of england - ja nuns hons pris
ja nuns hons pris ne dira sa raison
a droitement, se dolantement non:
mais par esfort puet il faire chançon
mout ai amis, mais povre sunt li don
honte i avront, se por ma reançon
sui ça deus yvers pris
ce sevent bien mi home e mi baron
ynglois, normanz, poitevin et gascon
que je n’ai nul si povre compaignon
que je lessaisse, por avoir, en prison
je nou di mie por nule rentrançon
car encor sui pris
or sai je bien de voir, certeinnemеnt
que je ne pris nе ami, ne parent
quant on me faut por or ne por argent
mout m’est de moi, mès plus m’est de ma gent;
qu’après ma mort avront reprochement
se longuement sui pris
n’est pas mervoille se j’ai le cuer dolant
quant mes sires mest ma terre en torment
s’il li membrast de nostre soirement
que nos feïsmes andui communement
je sai de voir que ja trop longuement
ne seroie ça pris
ce sevent bien angevin et torain
cil bacheler qui or sont riche et sain
qu’encombrez sui loing d’aus, en autre main
forment m’aidessent, mais il n’en oient grain
de beles armes sont ore vuit et plain
por ce que je sui pris
contesse suer, vostre pris soverain
vos saut et gart cil a cui je m’en clain;
e por ce que je sui pris
je ne di mie a cele de chartrain
la mere loëys
Lirik lagu lainnya:
- lirik lagu barletta crew - schopenhauer
- lirik lagu nadir qafarzadə - son zəng (məktəb valsı)
- lirik lagu kękę - możesz mi
- lirik lagu chris daughtry - love runs out
- lirik lagu tennessee ernie ford - half as much
- lirik lagu musicoyeah - josh greer advertisement (live)
- lirik lagu smiley face 224 - she want it
- lirik lagu synymata & medyk - hate to be
- lirik lagu witto goom - broken system
- lirik lagu maverick miles - oxygen