lirik lagu revolution records (thawragya) – belad el feel | بلاد الفيل
[اللازمة: شاهين]
إحنا بتوع التكاتك وإحنا بتوع نهر النيل
إحنا الفراعنة اللي بقينا زي بلاد الفيل
حاجات كتيرة فيكي ما بتعجبنيش
كل اللي فيكي نفسه يسافر وما يجييش
إحنا بتوع التكاتك وإحنا بتوع نهر النيل
إحنا الفراعنة اللي بقينا زي بلاد الفيل
حاجات كتيرة فيكي ما بتعجبنيش
كل اللي فيكي نفسه يسافر وما يجييش
[المقطع الأول: أحمد روك]
مصر بلد التاريخ شعب وحضارة محيراني
تزرع فيها رز شعير، تطرح كبدة إسكندراني
إشحن تكسب ثواني
خد فكرة وتعالى تاني
الزمالك يكسب طول الدوري
وبرضه يطلع مركز تاني
دور على المنطق ما تلاقيش
شعب مش لاقي العيش
طول رمضان الحج صايم
وفي الوقفة يشرب حشيش
حاطة التليفون في الطرحة
سايقة العربية وسارحة
لابسة حجاب سبع أدوار مليان ترتر ألوان وفرحة
شيخ يقول مليون حرام وكل دماغه في النسوان
تشتري أحدث موبايل وعادي بالليل تنام جعان
عالم ملزوق في كل حتة
شعب وطني بالفطرة
هي مصر أم الدنيا
بس كله بيحلم بالهجرة
[temraz :المقطع الثاني]
عشان تعيش في مصر لازم تبقى الراجل الوطواط
ولو الفراعنة بيننا كانوا شربوا مخدرات
كانو هيجروا ورا المواصلات ويغنوا مهرجانات
وشوية تحرشات على سبيل الإنبساط
إرفع راسك إنت مصري إخترعت الشطافات
والشباب بقت تعبانة خلاص هتجري ببوكسرات
حد يقولي ليه الناس بقت تعبد الجنيه
وناس حسودة عينيها أكبر من عين الكبانية
عيال بتشد كولة وتقولك سيجارة يا بيه
وناس دماغها فلة ما تفهمش عايشة في إيه
أحيه، إختارت أتجنن وألبس الكسرولة
بدل ما كنت أهاجر وترموا ورايا قلة
[اللازمة: شاهين]
إحنا بتوع التكاتك وإحنا بتوع نهر النيل
إحنا الفراعنة اللي بقينا زي بلاد الفيل
حاجات كتيرة فيكي ما بتعجبنيش
كل اللي فيكي نفسه يسافر وما يجييش
إحنا بتوع التكاتك وإحنا بتوع نهر النيل
إحنا الفراعنة اللي بقينا زي بلاد الفيل
حاجات كتيرة فيكي ما بتعجبنيش
كل اللي فيكي نفسه يسافر وما يجييش
[المقطع الثالث: بوفلوت]
ناس مخاصمة الرصيف
دا علشان الجدع دا راصص كام رغيف
أكشاك وعربيات والبياع الحريف
طب على الأقل سيبوا الشارع دا نضيف
أكتر حاجة تضايقني إن إنت تكون شايفني
بتكلم في التليفون وتسألني الساعة كام
وفيه عيال على الموتسيكلات بأنوار وحاجات
مش بيطفوا المزيكا لما يكون فيه أدان
ومافيش ميه توصل لو مش مركب ماتور
إدفع فاتورة الكهربا والنور مقطوع
وبلاش سب دين، ليكو دين وليا دين
السلام على كل العالم يا بني آدمين وفضائيين
[rooney hoodstar :المقطع الرابع]
حاول تتأقلم على العيشة في بلدك دا لإنه النقد خيانة
مهما تشوف داري عينك، سد ودانك، إسكت، سكوتك أمانة
بص على نص الكوباية المليان، ما تبصش على الفاضي
ولا تحاكم الناس على أفعالهم، ما تعيش في دور قاضي وراضي
خليك بإللي بتشوفه مهمًا كان مش إنساني
ما هو مش تسعين مليون ساكتين جاي إنت تحركهم في ثواني، إنساني
أنا مش داخل في مجادلة خسرانة من الأساس
ما هو صعب تجادل إنسان إهتمامه في الدنيا إنه يتابع صافيناز باظ
عندنا مفهوم إستقبال رأي معادي لو كان من مين
واللي بينتقد التاني بقى سهل إنه يوصفه بالتخوين
بقينا بنفكر إزاي هنتفرق ما دام كل واحد مرتاح في مكانه هيذلك
وأما تيجي تسأل حد عن السلبيات
(يا عم مش هنقولك)
[اللازمة: شاهين]
إحنا بتوع التكاتك وإحنا بتوع نهر النيل
إحنا الفراعنة اللي بقينا زي بلاد الفيل
حاجات كتيرة فيكي ما بتعجبنيش
كل اللي فيكي نفسه يسافر وما يجييش
إحنا بتوع التكاتك وإحنا بتوع نهر النيل
إحنا الفراعنة اللي بقينا زي بلاد الفيل
حاجات كتيرة فيكي ما بتعجبنيش
كل اللي فيكي نفسه يسافر وما يجييش
إحنا بتوع التكاتك وإحنا بتوع نهر النيل
إحنا الفراعنة اللي بقينا زي بلاد الفيل
حاجات كتيرة فيكي ما بتعجبنيش
كل اللي فيكي نفسه يسافر وما يجييش
إحنا بتوع التكاتك وإحنا بتوع نهر النيل
إحنا الفراعنة اللي بقينا زي بلاد الفيل
حاجات كتيرة فيكي ما بتعجبنيش
كل اللي فيكي نفسه يسافر وما يجييش
Lirik lagu lainnya:
- lirik lagu 5thy – hype5th01
- lirik lagu duvy – rich off drugs
- lirik lagu atlas (thailand) – คุยแก้เหงา (mr. lonely)
- lirik lagu barbwire & sagath – в тень (in the shadow)
- lirik lagu kri$truth – hold you down
- lirik lagu mc poze do rodo, orochi & filipe ret – a cara do crime 3 (brinde à liberdade)
- lirik lagu dunderhonning – nedslitt bygård
- lirik lagu ruby ft. dj sava – oye como va
- lirik lagu k-essence – opium
- lirik lagu rxwtune – you’re lying, i’m dying