lirik lagu qntal – rossinhol
rossinhol, el seu repaire
m’iraz ma dona vezer
e diguas li’l mieu afaire
et ill digua’t del siue ver
e man sai
com l’estai
mas de mi’ll sovenha
que ges lai
per nuill plai
ab si no’t retenha
qu’ades no’m tornes retraire
son star e son captener
qu’ieu non ai paren ni fraire
dont tant ho vueilla saber.”
ar s’en vai
l’auzels guai
dreit vas hon ill renha
ab essai
ses esglai
tro qu’en trob l’ensenha
quan’auzeletz de bon aire
vi sa beutat aparer
dous chant commencez a braire
si com sol far contra’l ser;
puies se tai
que non brai
mas de liei s’enghenha
co’l retrai
ses pnatai
so qu’ill auzir denha
“sel que’us es verais amaire
volc qu’ieu en vostre poder
vengues sai esser chantaire
per so que’us fos a plazer
e sabrai
quan veirai
de vos l’entresenha
que’il dirai
si ren sai
per qu’el lai s’en fenha
e si’l port que’s n’esclaire
gran gaug en devetz aver
qu’anc hom no nasquet de maire
tan de be’us puesca voler
ie’m n’irai
e’m mourai
ab gauc, on que’m venha….
no farai
quar non ai
dic qual plag en prenha
Lirik lagu lainnya:
- lirik lagu pierre de reeder – i’ll be around
- lirik lagu lil cyber – space coupe
- lirik lagu francis dunnery – i believe i can change my world
- lirik lagu kant mc – deus da guerra
- lirik lagu we are scientists – that’s what counts
- lirik lagu dry county – with friends
- lirik lagu the only ones – someone who cares
- lirik lagu petra – for all you’re worth
- lirik lagu francisca valenzuela – esta noche
- lirik lagu seven o’clock – white night