lirik lagu patrizia cirulli – io vulesse truvà pace
[testo di “io vulesse truvà pace”]
io vulesse truvà pace
ma na pace senza morte
una, mmiez’a tanta porte
s’arapesse pè campà!
s’arapesse na matina
na matin’ ‘e primmavera
e arrivasse fin’ ‘a sera
senza dì: «’nzerràte llà»
senza sentere cchiù ‘a ggente
ca te dice: «io faccio… io dico»
senza sentere l’amico
ca te vene a cunziglià
senza senter’ ‘a famiglia
ca te dice: «ma ch’ ‘e fatto?»
senza scennere cchiù a patto
c’ ‘a cuscienza e ‘a dignità
senza leggere ‘o giurnale
‘a nutizia impressionante
ch’è nu guaio pè tutte quante
e nun tiene che ce fà
senza sentere ‘o duttore
ca te spiega ‘a malatia
‘a ricetta in farmacia
l’onorario ch’ ‘e ‘a pavà
senza sentere ‘stu core
ca te parla ‘e cuncettina
rita, brigida, nannina
chesta sì… ch~ll’ata no
pecché, insomma, si vuò pace
e nun sentere cchiù niente
‘e ‘a sperà ca sulamente
ven’ ‘a morte a te piglià?
io vulesse truvà pace
ma na pace senza morte
una, mmiez’a tanta porte
s’arapesse pè campà!
io vulesse truvà pace
ma na pace senza morte
una, mmiez’a tanta porte
s’arapesse pè campà!
s’arapesse na matina
na matin’ ‘e primavera
e arrivasse fin’ ‘a sera
senza dì: «’nzerràte llà»
Lirik lagu lainnya:
- lirik lagu j shepard – pity.
- lirik lagu lucky lupin – kingpin
- lirik lagu jumex – make it mine
- lirik lagu so oddly – double cup
- lirik lagu lillebjørn nilsen, jon arne corell, lars klevstrand – tilbake til livet
- lirik lagu hatamitsunami – i know
- lirik lagu fergy53 & al majeed – xo
- lirik lagu bloody hawk – ιστορίες (istories)
- lirik lagu ghetto phénomène – patek
- lirik lagu glinda jameson – a grand catch