lirik lagu muslim مـسـلـم – al tamarrod | التمرد
تم شرح و إضافة هذه الكلمات عن طريق الفريق العربي لموقع راب جينيوس ، انضموا إلى صفحتنا في الفايسبوك من هنا
[المقطع الاول]
التمرد مع سبق الإصرار و الترصد
ملعون بالفقر ، الجهل و التشرد
ملينا طريق لحفاري ، بغينا الطريق لمبعد
شكون تكونوا تحكموا علينا بالفقر المؤبد
حنايا شعب ساعي ، حنايا شعب داعي
حنايا شعب كاعي ، كاعي حيت واعي
واعيين بلي ما بغيتونا نفيقو نقاو
نسيتوا بلي الزنقة مدرسة فيها نقراو
قرينا بلي فالقراية ديالكم تقاريتوا علينا
قرينا بلي القاري فينا نهايتو حزينة
و علاش ؟
حيت حنا غير دراوش
مكتوب علينا الذل و نتكمشوا فالهامش
لااااا
حنا ما خلقناشي غير باش نموتو
ولا نقولوا الدنيا فايتة بغينا غير نفوتو
تفكير مسكين و حل انهزامي
و أنا مغربي حر ثوري و دمي حامي
[اللازمة]
تمرد مع سبق الإصرار و الترصد
م.س.ل.م آي.كا.آي المتمرد
تمرد ، صوت محكوم بالقمع المؤبد
بتهمة التحرش السياي المتعمد
[المقطع الثاني]
آجي معايا شوف الزناقي و الحوم المنسية
تشوف خوتك المغاربة لي ما عندهم جنسية
مالاعندهم تعريف ولا حالة مدنية
خلقوا ، عاشوا ، ماتوار، مجهولين الهوية
مغاربة خوتك كيهبجو فالخبل
مغاربة خوتي و خوتك ياكلو من الزبل
مغاربة و ناعسين فالزنقة على الكراطن
يموتوا بالجوع بالبرد و حد بيهم فاطن
و إذا كان البحر يقول شحال من مغربي بلع
تيق بيه اذا قال تريبل دلي قطع
أي الحلم فبلادي يغتاصبوه الكوابيس
أي قلب بيض يستعمرو ابليس
فقر ، جهل ، دروجا و بطالة
المبادئ و الضمير قدموا استقالة
واش كتظن ولاو لحباسات كيحاربوا الجريمة
كيحاربوا غير الحرية لي ما بغات عندها قيمة
[اللازمة]
[المقطع الثالث]
الواقع ديالنا مستنقع و أحلامنا فيه تذوب
ولينا نحلمو أحلام حبلى بالكذوب
أفكار لقيطة تدور فعقليات مريضة
اليأس و الفشل فيروسات نشيطة
حيت المستقبل ولا كنز بلا خريطة
حيت إجهاض الأحلام عملية بسيطة
طموح مغتصبة
و حاملة الفيروس فوق دالكرامة المكتسبة
و بلا مناسبة
معاكم م.س.ل.م آي.كا.آي المتمرد فوق الخشبة
و جات الساعة دالمحاسبة
الدم و الدموع منشطات الثورة
الخوف و الضعف أحاسيس مزورة
نتوما غامضين و حنايا واضحين
جيناكم قاسحين حيت مقسحين
واش كتظن بتهمة التحرش السياسي المتعمد
صوتي محكوم بالقمع المؤبد
[اللازمة] (x2)
Lirik lagu lainnya:
- lirik lagu michael schulte – just the way you are
- lirik lagu diego el cigala – el día que me quieras
- lirik lagu mac demarco – my kind of woman
- lirik lagu reloadloony – without me sample
- lirik lagu clayton jokythur – hola
- lirik lagu banda d’retalho – por aí
- lirik lagu casper & b. – new phone who dis
- lirik lagu zotiyac – fantasia freestyle
- lirik lagu d4nny – to be loved not hated
- lirik lagu enter shikari – pack of thieves – rory c mix