lirik lagu muhammad osama – ميجالومانيا
من كتر ما انا فوق.. محتاج عدسة عشان أشوفكو
احتمال كبير يا كل مستمع متتفقش
أو جايز هاتقتنع لكن في الواقع ماعتقدش
اللي جاي أليم فحاولوا تستعدوا للأذى
استمروا قرّوا بانبهاركوا بالطاقة المستنفذة
أنا الوجود ، انتو شرذمة طحالب انتهت
بقت طفيل مقامه صفر منه أمه استحت
بتنطلق السهام تجاهي تصطدم بجبل برود
تعود تحاول تستمر في هجائي بالصمود
طظ في كل كاره لسا دماغه صغيرة
في كل فان لزج مقضي عمره مدح بأفورة
انتو مين في عالمي الظلامي اللي كافكا أسسه
انتو جنب نص عقلي عُمي لسا بتحسسوا
الطقطوقة ديه مزاجية بس خالية من الافادة
محتمل أكون فاضي و بقلمي أَرُص بلا هوادة
بارانويا بدون علاج بدون تأثر بالزمن
عشان حروف كلام جنابي لا تقدر بثمن
(خلونا نحكي الحكاية من النص.. لأن البداية مش مشوقة)
فكك من قصة تاريخي كفاشخ للأنظمة
اسمي اتنقش في صخرة وسط بحر امواج متلاطمة
كلامي شلالات و موضوعات و انا الرحالة
في البداية مستوايا زبالة ده اعتراف بحالة
محمد أسامة دولة نشأت من العدم من اللاشيء
دولة جيشها دموي دولة شعبها مالوش شقيق
بعد سنين كتير بعد موتي اسمي في الكتب
بأعلى قمة في الوسط لو جم يقيسوا بالرتب
هتتعتر … في سكة الميجالومانيا
طريق خطر … كان باديء بالشيزوفرينيا
حواجز انتهت بقت حكاية ولِّت
المشاكل استوت بماضي مش لازم تكون اتحلت
بص فوق تشوف ملك بعرش من دهب عتيق
ساق السفينة بدون مساعدة في عالم بدون صديق
أنا الموزع الملحن المهندس المؤلف
أنا ون مان باند شغل مش مكلف
(وخلونا نتفق تاني..إن موافقتي على الحياة معاكم فكوكب الأرض هو تنازل عظيم مني)
محمد أسامة يرد لما يجيله مزاج يبدأ الضرب
مش طحالب المجال هي اللي تشدني للحرب
أنا اللي أوقع الغبي أنا اللي أعرّيه من كل ماسك
أصطاد غباءه ببوست فيس أو بإجابة على الأسك
الهجاء فن .. يختلف عن
الراب الحالي اللي بيتصنف تحت كونه زن
الرأي الفني اللي مرتبط بالعلاقة الانسانية
إنسى النية إنسى المصداقية وقت الشللية
شير .. التلاحيس محتاجة شير
فان لاحس جزم الغير
يستمد أهميته من اللعب في مسار السير
انطوائي زقني في كيان بفك مفترس
ييجي اللي نفسه ينتحر في سكتي و يتهرس
محمد أسامة اسم له علامة ياما
قالوا عني حكايات لكن بَرُد بابتسامة
مستقبل بشر بيكتشف في حفريات باسمي
تنقيبات بحمض جيني ندوة عن بواقي جسمي
(ولما جالي استدعاء..قررت من مملكتي للعامة..عشان اخد فكرة عن الفوضى المنتشرة في العالم)
مكروه من الجميع ماليش جمهور قطيع
الخرفان بتصقف لنجمها و في كلامه تذيع
وحيد و الأكيد إني مش محتاج سنيد
رابي مخترق ودانكم بدون ما أجند العبيد
معرفين .. كل تعريفات الجهل و sucker
أي كلمة جديدة بالنسبة لهم عمق مبتكر
اسمي هو المسمار الأول في نعش التطبيل
أفوت في قالب الحديد وجودي عنصر التفضيل
ضعف عيوب .. كل غبي شافها
ده يدل إن مُدّعي الفن جماهيره تافهة
اعرف إن المستوى صفر لما يكون جمهوره سيس
صندوق الزبالة مرحب بيهم كيس ورا كيس
بصمجي و كلب حك متضايق من الحكاكين
الأحا ماتت و المنطق انتحر بغزّة سكين
توفيق عكاشة الراب المصري ملا قصري
صدق أرّيفالز حولها لتخلف حصري
العبيد عبيد مهما اديناهم حرية
تحب تصقف للخروف لما يلعّب لهم اللية
خلونا نتفق .. كل لمبة تنطفيء
كل راس مجوفة لحمار بفلسفة هفأ
ثقافة صفر .. يقولك أنا باوصل رسالة
تصقف العبيد تأكد نظرية الاستحالة
انتو صفر ع الشمال و المقارنة لاتجوز
انتو ناشئين بتِحْبُوا جنب راجل عجوز
(ومن ضريبة الديموقراطية وحرية الفكر.. إن الخروف يقول رأيه،والفران تخرج من جحورها،والحقيقة تزعّل مدّعي الفن، لكن هيفضل الهيذااام حاد اللسان!)
Lirik lagu lainnya:
- lirik lagu гоу (gou) – колыбельная (lullaby)
- lirik lagu lil $low – tou no show
- lirik lagu big time rush – til i forget about you (live)
- lirik lagu mike stud – high hopes
- lirik lagu olivia newton-john – he’s my rock
- lirik lagu melanie – you’re not a bad ghost, just an old song
- lirik lagu janice – someone new
- lirik lagu horus – умерла эпоха (the era died)
- lirik lagu thuggar schmitt – rulling dawgz h
- lirik lagu exaberri lake – welcome home pt.1