lirik lagu mtm (rap) – tol ma batnafes | طول ما بنتنفس
[المقطع الاول: تاكي]
دي ثقافة المدينة
ده تمدين الموسيقى
مزج الثقافات بدون سرقات
يا سلام يا دكتور قول كمان
لما المايك ييجي فى إيدي لازم تسمع اللى بقوله
وتدقق فى كل كلمة لو قعدت الليل بطوله
لما تسمع ممكن تلسع بس هترجع تاني وتسمع
إمتى ممكن يشبع
لما ام تي ام يجوله يسمحوله
من واحد لمية عد
دايماً خليك للأغنية الجاية مستعد
ممكن تكون جد وهى هزار
هزار وهى جد
بس لو كانت داخلة دماغك متاخدش برأى حد إلا نفسك
إهرب من اللي اللى حابسك جوا عقلك
اللى مخلي اللي فى قلبك مش باين على شكلك
إمشي على مهلك
خد طريقة أسلك وإنت تسلك
[المقطع الثاني: مايكي]
يا معلم لما أتكلم إنت تبلم
لو كنت بتضحك او تتألم أهو بتتعلم
إزاى المزيكا بتتقدم
الصبح طلع علينا بس الدنيا مش هتضلم
مهما أتألم عمري ما أفكر إنى أستسلم
مش هتقفل قبل ما أسلم الأفكار إللى هتتجسم
ممكن أكون صريح معاكوا
على الأقل مش بمثل مش بأفلم مش بمثل
[المقطع الثالث: محمود]
ممكن تكون بتمثل لو فكرت في يوم تكسل
أو تقعد على قهوة مبتشربش غير معسل
الحلم إللى إنت عايزه مش هو اللى إنت عايشه
لازم تجيب بدايته ومتفكرش فى نهايته
لو شايفه يبقى أكيد مش بعيد
لو حاسه هتوصله وده أكيد
من الآخر وده المفيد
طول ما بنتنفس في جديد
[اللازمة]
فكك يابني من التعقيد
إحنا نجبلك المفيد
أفكارنا عمالة تزيد
طول ما بنتنفس فى جديد
[المقطع الرابع: مايكي]
أكيد كدة إنتوا فهمتم
وعرفتوا إن كلامي له قيمته وميزته
لو صحيتوا او نمتوا مش ممكن هتنسوا
هتفضلوا تفتكروا
ومحمود قالهالى مرة
هتجنوا لو سكتوا
أيوة ده كلامك وإنت ياما قلته وعيدته
وسيبكوا، أديكوا اتعلمتوا حاجة جديدة يمكن تساعدكوا فى مصيركوا
[المقطع الخامس: تاكي]
ومصيرنا مهما تعبنا أو سهرنا
أو صغرنا أو كبرنا
إتجنينا أو عقلنا
برضه مش هنجيب آخرنا
وهنوصل لو قدرنا
ولو مش إحنا يبقى غيرنا
حد تانى مش فى جيلنا
[المقطع السادس: محمود]
وجيلنا فرصته فى إيده
بس يفكر مرة واحدة يعمل حاجة تفيده
ولعلمك الكلمة إللى أنا بقولها
مش هتقلل منه دي أكيد هتزيده
[مايكي]
المرة دى مش أى كلام
ركز كويس
جاي أديكم فكرة بسيطة، نبذة عن فيلمي المتميز
دة موجود فى كل الشعوب
شرق وغرب، شمال وجنوب
ومسيره فى مصر هيسود
مش هيموت، صح يا محمود
[محمود]
طبعاً أكيد إنت كده جبت المفيد
ودول مش بس كده، مع الوقت هيزيد
ومش هنبطل أبداً ولا بعد 100 شريط
طول ما بنتنفس فى جديد
[اللازمة]
فكك يابني من التعقيد
إحنا نجبلك المفيد
أفكارنا عمالة تزيد
طول ما بنتنفس فى جديد
[النهاية]
فكك يابني
ياسلام يادكتور قول كمان
فكك يابني من التعقيد
إحنا نجبلك المفيد
أفكارنا عمالة تزيد
طول ما بنتنفس فى جديد
طول ما بنتنفس فى جديد
طول ما بنتنفس فى جديد
فكك يابني من التعقيد
فكك يابني من التعقيد
إحنا نجبلك المفيد
أفكارنا عمالة تزيد
طول ما بنتنفس فى جديد
وتعقد نفسك
الموضوع ميستاهلش، الدنيا أبسط من كده بكتير
Lirik lagu lainnya:
- lirik lagu band of skulls – black magic
- lirik lagu beerjacket – friends
- lirik lagu spongebozz – sin city
- lirik lagu imagiin360 – elprezondrugz
- lirik lagu lil yachty – i love you (no need to flex)
- lirik lagu chontafrass – murder dem
- lirik lagu j4ydizz1e – speeding!
- lirik lagu crying steel – crank it up
- lirik lagu daki bd – gde smo
- lirik lagu snapped ankles – jonny guitar calling gosta berlin