lirik lagu mt3 music – december
لسه فاكر أول مرة فيها شوفتك،
و الطرحة البيضة اللي كنتي لافة بيها شعرك،
و قد إيه مبسوطة إم تي واقف قدام وشك،
بس كان لي أسباب خليتني مبسوط أكتر منك،
زي إني.. عمري ما حسيت الإحساس ده أصلاً،
أكون بضحك من قلبي عشان واحدة جاية تتصور!،
طول طريقي بفكر.. مش ف الحفلة ف الوقفة،
مين دي أوصلها إزاي أنا معرفش إسمها حتى،
و كإني عارفك من سنة حفظت شكلك وقتها،
شوفتك ملاك من غير جناحين و أحلف “دي نازلة من السما،
دي.. دي فالتة ف الزمن” .. شوفتك كاملة فاهمة؟،
و الطريقة اللي لقيتك بيها كانت صايعة فاكرة؟،
أنا لسه فاكر.. و فاكر حاجات تانية،
زي إزاي مشاعري زادت بدون تفكير بعقلانية،
زي إزاي أنا كنت بسامح و أعدي حاجات مش عادية،
زي إزاي مكنش باين إنك بتضحكي عليا،
مكونتش.. متوقع.. عادي مشوفتش كويس،
صحابي قالو “إنت بدماغك إزاي مقدرتش تميز”،
بس الفكرة طول الفترة أنا مقصرتش لمرة،
فمجاش ف بالي لو لحظة إنك ف يوم هتطلعي بره،
فأنا.. مش مستوعب ده إنتي وعدتيني و قولتي،
“أنا مش هسيبك طول عمري”.. أنا مش لاقيكي دلوقتي،
معرفش لإمتى هقرا الشات أصمه و أفضل فاتحه،
أو ده الريكورد الكام اللي برضو.. مش باعته،
جوايا كتير و لو مطلعش هتجنن،
بسمع صوتك ف أي واحدة بتتكلم،
مفتقد برودك اللي غلب ديسمبر،
شايفك جميلة مهما عملتي مش هنكر،
و برضو.. رغم إن فراقك كسر فيا،
إتأكدي إني بدعيلك عادي ف كل صلاة ليا،
إتأكدي إن مهما قابلتي محدش هيشوفك بعنيا،
هيحبوكي عشان حورية.. فصعب يتقارنو بيا،
و أنا هبقى كويس بدأت أزيف إبتسامتي،
طول مانا قاعد وسط الناس عشان محدش يسألني،
و لو حصل بقول “تمام” و أقلع القناع ده ف أوضتي،
تضاد أصوات عقلي و قلبي و ذكرياتنا اللي ف مخي،
بقيت أروح نفس الأماكن عشان بس كنتي،
فيها ف يوم من الأيام و أقعد هناك لوحدي،
و أحس روحك ف المكان و قولنا إيه هنا زمان،
و كمان.. دموعي تهرب لما باجي أمشي،
ده حتى النوم نسيت طعمه ده حتى اليوم مبيخلصش،
أو.. بيخلص و أيامي شبه بعض معرفش،
طول الوقت أنا جوا أوضتي قاعد لوحدي مبنطقش،
بحاول ألاقي غلطة ليا و صعب عليا مفكرش،
هل خذلتك مثلاً؟ هل قصرت ف حقك؟،
يمكن مكونتش مهتم و طول الوقت سايبك،
أسف سرحت غصب عني بقول عمايلك،
هيداوي الوقت و من دلوقت أنا مسامحك،
فبتمنالك السعادة مبعرفش أكره.. حتى،
لو دي النهاية فكانت أحلى فترة،
هفضل فاكر كل حاجة كل رسالة و ذكرى،
و كل صورة.. متصورينها كانت فين و إمتى
Lirik lagu lainnya:
- lirik lagu payday (pj) – yo mama
- lirik lagu soulextract – samsara [ephemeral machine remix]
- lirik lagu gazo – menace 2 society*
- lirik lagu sunshine christo – yung adolf
- lirik lagu prof jota – nota (dó)
- lirik lagu no i$ue – dream world
- lirik lagu death karma – scandinavia – ship burial
- lirik lagu mdxx – ты мне не нравишься (i do not like you) (other version)
- lirik lagu victoria renée – a better tomorrow
- lirik lagu milo korbenski – bst up to fck