lirik lagu matilde politi – nta viddi e vaddi
[testo di “nta viddi e vaddi”]
‘nta viddi e vaddi e inta vòscura funni
unn’è l’amanti mia? di ccà mi spriu
la vaiu pi circari e ‘un trovu dunni
pi lu so amuri lu munnu firriu
vaju a lu mari e c’addumannu all’unni:
“forsi passu di cca l’amuri miu?”
e l’ecu di luntanu m’arrispunni
ca ‘n mmanu di li turchi si nni ju
m’addisiassi la spada d’orlannu
quantu girassi pi tuttu lu munnu
la mè agatuzza nni mori chist’annu
cu t’affirrau? ivi! mi cunfunnu!
fu sò mammuzza cu cori tirannu
la mannò a mari a circari lu nunnu
comu ‘ngagghiasti! ‘un sintisti lu bannu?
“‘un jiti a mari: li turchi cci sunnu”
a funnu a funnu guarda ‘na galera
poviri amuri miu, chi pena porti!
forsi è attaccata di mala manera
forsi un cuteddu va ci duna la morti:
sentu un marusu chi l’arma dispera
oh ddiu ca li chianti sunnu forti!
di li cani ritorna la bannera
ca d’unni passi ddà cci passa la morti
pigliati l’armi e curriti, picciotti
ci voli forza e curaggiu di tutti
calati a mari, ‘un sintiti li botti?
lu gran sirpenti nisciu di li grutti
chistu è lu puntu di vita e di morti
a quali statu nu’ semu ridutti!
e lu surdanu chi batti li porti
e si nn’agguanta lu cori nn’agghiutti!
semu ridutti comu tanti locchi
ridutti semu tanti mammalucchi
cu misi ‘n cruci, cu ‘mpinti a li crocchi
comu traseru li ‘infamazzi turchi!
cu scappa scappa, cu arrampica rocchi
cu si cafudda sutta li trabbucchi:
e li campani ‘un dunanu cchiù tocchi
e ‘ntra li crèsii cantanu li cucchi
sunnu distrutti l’atara e li tempii
su’ sacchiggiati pruvinci e citati
calati a mari, curriti pi st’empii
ahi! ca li figghi sunnu abbannunati
Lirik lagu lainnya:
- lirik lagu skywalker davinci – he cant love u
- lirik lagu kmrnxo – abusive
- lirik lagu deadbolt – mcgortsy
- lirik lagu katrina stuart – bs
- lirik lagu юмгиль (yumgil’) – мама, я панк (mom, i’m a punk)
- lirik lagu биба и боба (biba and boba) (rus) – грусть (sadness)
- lirik lagu zkpm – ufo 3 (diss na young marcina)
- lirik lagu petroll – leaf
- lirik lagu hotel fantome – extra sturdy
- lirik lagu tampa red – roaming and rambling