lirik lagu mahmoud jreri – emad – عماد
“كلمات محمود جريري “عماد[المقطع الأول]
تعال آخدك ع حاره شوارعها عتيقة
بيوت بالشتا بتدلف، بالصيف بتلاقيها حريقة
حبال غسيل معروضه ع كل متر وكل ماصوره
ولاد حافيين بالإجر بلعبوا زقوطه
هلأ، تعال معاي لواحد من الولاد اسمه عماد
ساكن في بناي تطير الأحلام مثل الرماد
والفقر واحد من السكان وهاد سبب مسبب للإجرام
وعماد واحد من السكان
يفضي وقته بالشارع ع البيت بتلاقي طالع وقت النوم
لإنه في النهار البيت خاضع لحرب تقوم
بين الأب اللي ريحة الكونياك من تمه تفوح
وبين الإم الي تنهال عليها مصائب أيوب
وعماد بين هال- نيران الصديقه، امنيات بالقلب
يا ريت امي مسلحه يا ريب أبوي عنده قلب
ف بين يا ريت ويا ريت نزل للشارع لينسى الهم
وهناك لقى في الهدوء لقى في البيت لقى في الأب
[اللازمة]
ها، بلوزة ممزعة وإجرين حافية
ها، الكل يأشر على إبن الشارع
ها، الكشرة كاتمة الإبتسامة
ها، الكل بأشر على إبن الشارع
هاه، الكل يقول هاي إبن الشارع
هاه، الكل يقول هاي إبن الشارع
ها، واقف ورا النار القايدة
ها، الكل بأشر على إبن الشارع
[المقطع الثاني]
من وين ما وقفنا، بالشارع حكم القوي ع الضعيف
يعني حكم التاجر ع-اللي بسلك وع-اللي ببيع
عماد كان يوقف ع المفترق ويصيح بوليس
الكل عارف مكانه ب-هالطريق, تسألنيش
وين المدارس، لإنه المدارس بتطعميش
يعني الرياضيات إذا ملت ح-تملي ب-كراميش
هيك الحسبه عند عماد فالمدرسه أكلت تطنيش
والشارع أصبح عباره عن مربي بديل
وعماد الو فضول كيف السكن ب-“زبنجو” نقل لقصور
نقل لقصور اله طموح يركب “ايمبريزا”
يخزق حيطة ويصير
له كنوز فش له حدود صار له
برود صار يتوسع من صبي يصرخ
صار لصبي يوزع الحارة من اسمع تتفزع
ارفع بده الارفع والي بقطع عليه المقطع
بلاقي حالو مقطع، الذئب ولا مره بتربع
ولا مره بتسربع
[اللازمة]
ها، لو ألبس بدلة وجرافة
ها، الكل حيأشر على إبن الشارع
ها، لو نقلت على حارة راقية
ها، الكل حيأشر على إبن الشارع
هاه، الكل يقول هاي إبن الشارع
هاه، الكل يقول هاي إبن الشارع
ها، ،سلاح بأيد و روليكس بالثانية
ها، الكل بأشر على إبن الشارع
[المقطع الثالث]
لما الوجوه بتتلثم الزهور بتتوزع
اللي بتحدى في النهار بالليل بتودع
عماد صار يحل المشاكل طريق الفرد
يمرق بال-“إيمبريزا” وإذا بطأ الكل يطمل
بده يكمل يكوم مصاري الكل بحترمو
بس الحقيقة انه الكل خايف منه
بده يكون امبراطورية تخضع لسيطرته
بس بال قرنة كان واحد يتربصله
إسمه إيهاب كان له طموح يركب
“إيمبريزا” يخزق حيطه ويصير له كنوز فش له حدود
الموعد حاضر الشارع هادئ عماد واقف عالرصيف
شلته معه عم يحكو قصص عن غباء البوليس
فجأه سيارة تبطئ الشباك ينزل
من عتمة السيارة لعتمة الحاره الرشاش يبين
عماد بينرف، من نياب ذئب لرقبة خروف
بس تقلقوش ايهاب بتابع، عماد بنازع
[اللازمة]
ها، بلوزة ممزعة وإجرين حافية
ها، الكل يأشر على إبن الشارع
ها، الكشرة كاتمة الإبتسامة
ها، الكل بأشر على إبن الشارع
هاه، الكل يقول هاي إبن الشارع
هاه، الكل يقول هاي إبن الشارع
ها، واقف ورا النار القايدة
ها، الكل بأشر على إبن الشارع
Lirik lagu lainnya:
- lirik lagu scooter brown band – huntsville
- lirik lagu danny elfman – poor jack
- lirik lagu of montreal – good morning mr. edminton
- lirik lagu theovertunes – if it’s for you (live version)
- lirik lagu jodie jo’ – hard heart, pt. 1
- lirik lagu diez mondray – wallah
- lirik lagu zêdan – jeder in meinem block
- lirik lagu theudho – the architect
- lirik lagu the waylons – twist and wail
- lirik lagu blocboy jb – don’t love ya