lirik lagu essam sasa – baghr2 ala ba7r ndala | بغرق على بحر ندالة
[المقدمة]
(حصرياً على موقع مهرجانات دوت كوم)
بغرق على بحر ندالة وكلها واقفة بتتفرج
بكتب زعلان ع الحالة بلاقي الأندال بتهرج
خلق رخيصة بتتعالى والخواف بقى يتثورج
(كيمو الديب)
[اللازمة]
أنا مضايق مني نفسي وكل ما بزعل بتحول
فاقد مابقتش رومانسي ومش طيب زي الأول
إنتم ماشيين على حسي وجيبكم مني بيتمول
آه يا دنيا عافية بتقسي شكل الأحزان هتطول
أيامي مسلسل فاشل عشان المخرج كان قلبي
طيب على هيئة قاتل وشلت ذنب ماهوش ذنبي
مشكلة بتجر مشاكل ومافيش حد واقف جنبي
كلها عايزاني أتاكل ومافيش صاحب غير صاحبي
[المقطع الأول]
خلاص خلصت ما بينا سلام ويا اللي غدرتوا فارقوني
بقت من غيركوا عشتي تمام بجد ومش وحشتوني
كلام في كلام يجيب في آلام، كفاية عتاب خنقتوني
رميت الخوف من الشباك وحادف نفسي ع الخطر
وعايش عمري وسط عراك وقلبي مقطعه بقطر
يا خصمي عنيا مش شيفاك، ما أخافش ما كل شيء قدر
[اللازمة]
بغرق على بحر ندالة وكلها واقفة بتتفرج
بكتب زعلان ع الحالة بلاقي الأندال بتهرج
خلق رخيصة بتتعالى والخواف بقى يتثورج
دنيتي خربانة تعبانة بس بعون الله هتفرج
مخنوق من كل زمايلي آسف مضطر أهرب منهم
إزاي يبعوني ما تقولي اللي أنا كنت بشيل عنهم
ريحت دماغي أحلالي أنا مابقتش أعرف مالهم
لو كنت رخم أو حاجة همشي خلاص وهسيبهلهم
[المقطع الثاني]
طريق الجرح والأحزان ده روحت عليه برجليا
بقول البعد أحلى مكان عشان الحب مش ليا
غرقت وتوهت في الدخان وشايف موتي حواليا
في وقت الشدة قالوا غياب ونسيوا العشرة في دقيقة
وقفلوا قصادي تلاتين باب في أيام صعبة وبطيئة
وإوعى تقول دول أحباب اللي سابوني في الضيقة
[اللازمة]
بشرب وبزود شرب وباجي على نفسي وبزيادة
أنا داير جوايا حرب ومش فاهم روحي كالعادة
أوقات نفتكر القرب أحسن في حياتنا ونتمادى
نفتكر إن إحنا الغرب وما شوفناش أي سعادة
مش كل اللي بيضحكلك بيبقى حبك من قلبه
دي الناس وقتي بتسلكلك وهما أصلاً بيحاربوا
إركن قلبك من فضلك ما الخاين هيشيل ذنبه
زمن اللي معاه قرشين تلقى الكل لازق جنبه
[الخاتمة]
(حصرياً على موقع مهرجانات دوت كوم)
Lirik lagu lainnya:
- lirik lagu ריקי גל – makom lede’aga – מקום לדאגה – riki gal
- lirik lagu mousy kay – illin’
- lirik lagu kirko bangz & jayco beatz – ridin on me
- lirik lagu prayzzz – stuck on you
- lirik lagu speaker bite me – brand new wintercoat
- lirik lagu eleven nights – aftertaste
- lirik lagu charinus – village 2
- lirik lagu aintsoslow – fragment
- lirik lagu reaxtion storm – color
- lirik lagu quasi (deu) – storys