lirik lagu el far3i – el qalb el tani | القلب الثاني
[اللازمة]
بعطيكي قلبي الثاني، الأول راح
بعيد ولا تآخذني
لو روحتي عند حدي ثاني، رح ألاقي وأرتاح
[المقطع الأول]
قلبك عم بقول لمخّك خلص سيبك عجقتني
كل ما ألقيلك بنت حلال، بلقيك على التانية سبقتني
صحنك قدامك على الطاولة ليش منه بتاكلشي
لما تفوت على البوفيه بتصير بدك تاكل من كلشي
قلبك بكرة على السكراب خلص بيعه حديد
وروح على مستشفى الجامعة يزرعولك قلب جديد
بس مش وإنت بالطريق تلتهي ببنات سنة أولى
خلص إعقل أقعد مش إلك هدولا
في وحدة حطّمتك وإنت صغير، بس إنت مش متذكّر
عشان هيك بس تيجي أغنية رومانسية بتعرفش بمين تفكّر
الحب مش إشي بينصنع الطيور على أشكالها تقع
google earth مش ملاقي أميرة أحلامك أين تقع
الموضوع على الوجع، صدّق أو لا تصدّق
إستراحة من الراب السياسي عشان أطلّعك من المأزق
صفّيت النية لعيون جيل كامل ضحية
لحملة إعلامية بتكرّهك بالبنت المستحية
وبتعلّمك تكون كذّاب، عشان تصير جذّاب
والوصفة بتزبط مع الشباب وهاد لعدة أسباب
واحد منها إنه إذا إلك على هذا النوع من السواليف
حتلاقي من الجنس اللطيف النوع إلي بحب الألعاب
[اللازمة]
بعطيكي قلبي الثاني، الأول راح
بعيد ولا تآخذني
لو روحتي عند حدي ثاني، رح ألاقي وأرتاح
[المقطع الثاني]
بديّاكي بدّياكي، بس مش للأبد
طلعة وحدة، عشر طلعات، بس بلكي ما زبط
بتبكي عشنّه حكاها وهو متفتف
تخيّل لو قيس وليلي كانوا friend with benefits
يلي ظلمتوا الحب و قلتوا عليه
من الستّينات لهلّأ ١٠٠ مش عارف إيه
شاعر الألف أغنية آخر ما كتب كان من غير ليه
إلي فيكم فهم الأوفّيه رجاء يرفع إيديه
هاي مجرد إحصائية عشان نعرف مين تقليدي
و مين فيكم بصاحب مرة بالشهر وبدا بتمهيدي
رح تزهق يا صديقي بالأخير من الحكاية
وتتزوج وحدة ما بتحبهاش بس تمشاية
لحية وحفاية وردة فعل على الكآبة
لن تعدل بتعدّد الزوجات زي الصحابة
لإنك مش صادق مع نفسك، زي الصحافة
رح تنصح، زي الطّابة، بعد ما تكون نشرت الآفة
وتشعر بالسخافة مع نهاية هاي الأغنية
ولو إنه أخوك هون مش مية بالمية
بس نصيحتي البنت إلي جنبك بالوضع الروتيني
هي إلي بتستحق تقول لها مشان الله تزوّجيني
[اللازمة]
بعطيكي قلبي الثاني، الأول راح
بعيد ولا تآخذني
لو روحتي عند حدي ثاني، رح ألاقي وأرتاح
[الخاتمة]
بهواك وأتمنى لو أنساك
وأنسى روحي وياك
وإن ضاعت تبقى فداك
أهواك وأتمنى لو أنساك
وأنسى روحي وياك
وإن ضاعت تبقى في
Lirik lagu lainnya:
- lirik lagu babytron – turtle pie
- lirik lagu juvensounds – numb
- lirik lagu country joe mcdonald – kiss my ass – live
- lirik lagu maria loraine – wait for me
- lirik lagu looney ae sin – chasing the bag
- lirik lagu ribbit glow – high price
- lirik lagu eliza king – receive him
- lirik lagu nabrisa – livre
- lirik lagu inspirit – northern light
- lirik lagu pisha – gothweb