lirik lagu davide van de sfroos – il cavaliere senza morte
[strofa 1]
de tera n’ho traversàda, de acqua n’ho cognussüda
de veent n’ho inscè purtaa in di me sacöcc…
se sun sb-ssàa come un ramm de sàles
se sun smagià come un trunch de plàten
ma sun staa anca bel drizz c-mè un ciprèss…
quaand che m’hann dii che’l mund girava
ho c-minciaa a cürrech a’dree
e adèss ho giraa püsse de luu
al’soo che ho mai vengiüü
[strofa 2]
ho pruvaàa el martèll de thor
i sgrafignaad de la baba-jaga
e vainamöinen el m’ha insegnaa a cantà…
e quanti omen con scià na spada
ho trasfurmàa in funtàn de saangh
e poi la mórrigan la p-ssava a netà tütt…
quand che m’hann dii che’l muund cantava stori de achille e de cú chulainn
me n’ho cupàa püsèe de luur…
ma de canzönn me n’han mai scriüu
[strofa 3]
e alura via anima in pèna a cercà el fuund de la damigiana
senza recorgéss che ho bevüü in del sacro graal…
vurèvi beev per desmentegà e ho guadagnà l’immortalità
propi la sira che vurevi pruvà a crepà…
una valchiria da segunda man e un druido senza giüdizi
m’han faa sultà deent nel teemp comè un precipizi…
e sun partii per la nuova gloria
e ho vedüü marcii la storia
c-mè un dio in armadüra ma a pè biütt
[strofa 4]
forsi per noia o per vanità
sun naa in söl fuund del laagh
per ritruvà la spada de re artù
ma excalibur serviss a un cazzo
e viviana me l’ha dii
se a manegiàla ghè lè un rembambii…
quand che m’hann dii che ‘l muund pregàva
ho pregaa püsse de lüü
e adess che ho tacaa la spada al müür
effettivamente la me paar ‘na cruus
[strofa 5]
e sun partii per la tèra santa
la lama in cieel e l’infernu in tera
perchè m’han dii che l’era santa anca la guera
culpi de spada a furma de cruus
culpi de spada a mezzalöena
che in paradis a tücc ghe spècia una pultrona
e i m’hann dii che se’n cupavi tanti, scancelavi i mè pecàà
che l’è diverso cupà quii giüst e quii sbagliàa
[outro]
ma me pudévi piö murì… e quindi niente aldilà…
ho saraa i öcc e ho pruvàa a specià…
ho speciaa che la finiva e se sunt indurmentaa
ho speciaa…
ho speciaa…
ho speciaa che la finiva e se sun indurmentaa
ho speciaa…
ho speciaa…
ho speciaa che la finiva e se sunt indurmentaa
ho verdüü i öcc… e p-ssaven i carri armàa
[outro strumentale]
Lirik lagu lainnya:
- lirik lagu murda killa – это просто аскорбинки (it’s just ascorbic)
- lirik lagu lauv – i like me better (92 sounds remix)
- lirik lagu cinatra – space invaders
- lirik lagu jm ft p€$o & bailey browne – my place
- lirik lagu dikers – obsesión
- lirik lagu sudeep maiti – adore her
- lirik lagu france d’amour – laisse-moi
- lirik lagu sunwoo jung a & the barberettes – outside the chart
- lirik lagu oceans 12 – thickums no hook
- lirik lagu alrima – urgence