lirik lagu blood axis – the dream
ôwê, war sint verswunden
alliu mîniu jâr!
ist mîn leben mir getroumet
oder ist ez wâr?
daz ich ie wânde, daz iht waere
was daz iht?
dar nâch hân ich geslâfen
und enweiz es niht
nû bin ich erwachet
und ist mir unbekant
daz mir hie vor was kündic
als mîn ander hant
liute unde lant, dar in ich
von kinde bin erzogen
die sint mir frömde worden
reht als ob ez sî gelogen
die mîne gespilen wâren
die sint traege und alt
bereitet ist daz velt
verhouwen ist der walt
wan daz daz wazzer fliuzet
als ez wîlent flôz
für wâr, ich wânde
mîn ungelücke wurde grôz
mich grüezet maneger trâge,
der mich bekande ê wol
diu welt ist allenthalben
ungenâden vol
als ich gedenke an manegen
wünneclîchen tac
die mir sint enpfallen
als in daz mer ein slac
iemer mêre ouwê
Lirik lagu lainnya:
- lirik lagu peter bjorn john – (don’t let them) cool off
- lirik lagu john denver – if ever
- lirik lagu dirty looks – oh, ruby – live
- lirik lagu michael nesmith – brazil (aquarela do brasil)
- lirik lagu steppenwolf – corina, corina (live)
- lirik lagu orphaned land – ya benaye
- lirik lagu autopsy – she is a funeral
- lirik lagu jimmy buffett – wondering where the lions are
- lirik lagu sirenia – the funeral march
- lirik lagu david bisbal – soldado de papel