lirik lagu bap – weißte noch?
dä kleine jung do met singer labberledderbotz
un dämm facon~schnitt, dä leider hinge vill ze koot
mit singem frotteehemp, dä nylonsocke un dämm vüürkreechsrad
ahn su’nem sommernommedach, vüürm panorama singer hillije stadt
dä die wajongs zällt vun dä jüterzöch op der südbröck
hätt off sing rad jähn en dä ring jeschmesse ~ drop, em bremserhüsje weg
mann, he dat foto, om balkon vum onkel fritz
em sonndaachsahnzoch, luhr wie dä ärme kähl do setz
enjeklemp zwesche kaffeedesch un singer huhtoupierte tant
vun der’e nie begriffe häät, wieso jraad die nu jetz met ihm verwandt
mir dunn noch hück de uhre wieh, wenn ich draan denke, ahn dä p~ssverzäll
die non~stop~heuchel~litanei un dat jekeifte imponier~jebell
doch he: martina! mensch, woor ich scharf op dich ~
bloß, ich woor luff für dich ~ häss einfach durchjeluhrt durch mich
jetz, wo’sch dat klassenfoto sinn, bild ich mir en, et rüsch sujar noh dir
do rochs wie’n mischung domohls zwesche wrigley’s spearmint~gum un 8×4
met dingem lange blonde zopp un dingem blaue karo~falderock
woors do die göttin vun der zwirnerstrooß un övverhaup vum janze block
oh ~ all dä weihrauch he, ming kommunionskääz en dä hand
“der schönste daach en dingem levve” hatten se jesaat
doch dat die nummer he en fint woor, hatt ich janz jefährlich im urin
un ussjerechnet ahn dämm wieße sonndach jing mer ein saach nimieh uss’em sinn
ein met martina un met jüterzöch un irjendjet met vill jeföhl
ein ohne jede jarantie, met der mer stolz setz zweschen alle stöhl
Lirik lagu lainnya:
- lirik lagu los betos – a mi no me importa
- lirik lagu fetid – cranial liquescent
- lirik lagu dedrick – forgot about dre/chicago freestyle
- lirik lagu we exist even dead – struggle within
- lirik lagu javiera y los imposibles – las disculpas
- lirik lagu dimèji – the dissection
- lirik lagu g.em (g.emgem) – glicine
- lirik lagu rua 3 – karma
- lirik lagu duzz – fake
- lirik lagu el alacrán de la sierra – que se oiga el grito