lirik lagu ali abdelwahd – 3n e7sas
كام مرة حسيت انك لوحدك
كام مرة عرفت ان محدش حاسس بيك
كام مرة كنت بتكذب على نفسك
كام مرة حاولت ترسم لوحة مش لوحتك
كام مرة اتمنيت الموت يجيلك
كام مرة ف حياتك نزلت دمعتك
كام مرة ضحكت من قلبك
طب كام مرة عرفت فيها حقيقتك
افكار بتتكلم و بتعبر عن الحقيقة
حصار وانهزام لنفسي كل دقيقة
اختبار قد اية هخبي مشاعري الجريحة
اختيار مستقبل افكاري منه بريئة
عن احساس ضحكة حزن بتطلع غصب عنها
عن احساس فيلم الفرحة و الاكتئاب هو بطلها
عن احساس موسيقة سعادة والجرح بيعزفها
عن احساس صوت حقيقتك بيخالف اكاذيب بتقولها
عن احساس افكار صعبة الترجمة للغة تفهمها
عن احساس صورة السعادة ف لوحة صعب ترسمها
عن احساس اقنعتك المزيفة اللي مش قادر ف يوم تشيلها
عن احساس زكري حلوة ف حياتك بس الحزن قتلها
عن احساس الوحدة اللي معاك محستش بالوحدة
عن احساسك وانت هادي و جواك الف عاصفة
عن احساس بركان بيغلي نتيجة مشاعر منصهرة
عن احساس اعصار فكرة وهيجان بحرها
عن احساس طعنة صاحب لصاحبوا مش متوقعها
عن احساس ام معدتش هتشوف ابنها
عن احساس ساعة عمر عدت و محدش حس بقمتها
عن احساس دمعة بنت لما يتقال عليها كلام يجرحها
عن احساسها لما بتنزل و العيون بتاكل جسمها
عن احساسها لما بتتعاكس و مينفعش تفتح بقها
عن احساسي لو كانت اختي و حد جة جمبها
عن احساسي لو كانت اختي وانا اللي عاكستها
عن احساس جروح مستخبيه الزمن فتحلها
عن احساس بنت تصحى ف يوم ماتلقيش امها
عن احساس كسرت ضهر ولد ابوة مات قبلها
عن احساس فراق احبة بعد ماكان مستعد يموتلها
عن احساسك بالوحدة وانت حواليك الناس كلها
عن احساس افكار ليك و انت الوحيد اللي بتسمعلها
عن احساس دروس الزل اللي عمرك ما استوعبتها
عن احساس كرامة فقير بياخد الفلوس عشان محتاجلها
عن احساس ثورة اتعملت و كل الناس ركبوها
عن احساس قطر ماشي و حاطين العيال يفرموها
عن احساس الدينا لما تعدي وانت مش لقيها
عن احساس يوم السؤال بتفكر عملت اية فيها
كام مرة حسيت انك لوحدك
كام مرة عرفت ان محدش حاسس بيك
كام مرة كنت بتكذب على نفسك
كام مرة حاولت ترسم لوحة مش لوحتك
كام مرة اتمنيت الموت يجيلك
كام مرة ف حياتك نزلت دمعتك
كام مرة ضحكت من قلبك
طب كام مرة عرفت حقيقتك
افكار بتتكلم و بتعبر عن الحقيقة
حصار وانهزام لنفسي كل دقيقة
اختبار قد اية هخبي مشاعري الجريحة
اختيار مستقبل افكاري منه بريئة
لوحة امل مرسومة على جدار اليأس
مراية الحقيقة بتعكس العكس
لسه بنصدق الكذب لسه ماتفقس
بالرغم اني نفسي ف الحرية بس بفضل الحبس
بعوم وسط الحقيقة بحاول اعرف الهدف
بشوف ينفع ارسم حياتي وللا الوقت ازف
اعرف اذا كان الامل جمل وللا الامل جزف
وللا اتحذف من حياتي للأسف اكتشفت انه اتوقف
x
2
Lirik lagu lainnya:
- lirik lagu jamaican queens – don’t call me up
- lirik lagu danny vera – every time
- lirik lagu lil ruby – max&ruby
- lirik lagu nekro – my zone
- lirik lagu charmzz i – fuck action
- lirik lagu mr. white – i’m ugly
- lirik lagu sylent – still
- lirik lagu sickless – #mot halbfinale hr2:
- lirik lagu pule – pretty ugly
- lirik lagu b.keyz – smooth movin’