lirik lagu ahmed mekky – wa’fet nasyt zaman / وقفة ناصية زمان
[“كلمات أحمد مكي “وقفة ناصية زمان]
[translation]
[حوار]
– …إنت فاكر رمضان؟ كان الناس بـ
– تعلق زينة
– تعلق زينة وبتحط ساعات نشارة ملونة
– كنت لسة هقولك عليها. و بيجوا بواحد يعمل فريم أبيض بدقيق و لا بجبس و يرسم جوة، ده كان فن. حبل النور فيشته كانت بتتوزع كل يوم على شقة
– إنت فكرتنى بدي كانت رهيبة برضه… أه، ليها معنى كبير
– طبعا ماحدش يشيل لوحده. الطبق الى دايما طالع نازل فى كل شقق العمارة
– أه طبق هو بيجيلك و بيترد و توديه و يجيلك
– و تعمل انت حاجة تملاه و تبعته و يرجعلك تانى دي كانت جميلة. دلوقتي الموتوسيكل يخش ع البنت عليه تلاتة يخشوا و يقلبوا شنطتها، يقلبوها من دراعها و ياخدوا منها أى حاجة
– ممكن يقرصوها أصلا، من غير أى سبب، و لا عملوا حاجة
– و لا خليوا من الحاجة
– زمان البنت و هي مروحة كانت أول ما بتخش المنطقة خلاص كأنها دخلت البيت آمان
– بالضبط
و الدار آمان، الدار آمان
فاكرين و لا ، فاكرين ولاـ و لا نقول كمان
[المقطع الأول]
وقفة ناصية زمان إدتنا إزاى نملك لسان
موزون بيلاغى الصايع و الضايع و الجنتلمان
كله سيان، قابلنا كل أنماط جنس الإنسان
و إتعاملنا فإتبنى جوا الدماغ بوصلة و ميزان
فى جزء الثانية بنعرف نفقس مين جدع و مين جبان
و مين بقلب مات و أسود و مين قلبه بينبض حنان
و مين تشوفه تقول ده هادي و لو نكشته تشوف جنان
و مين غلبان و مين شيطان و جن و قرد و بهلوان
حتى الشقاوة ع الناصية كان ليها أصول
الخناق راجل لراجل مش راجل قصاد أسطول
كات وصمة عار كبيرة إنك تضرب واحد من الظهر
حصل هيحصلك عارك و يوصلك للقبر
ماكانش العادي من القوي بيكسر الأضعف منه
تحس الكل كان مؤمن إن القوي فى الأقوى منه
من أول محترم شقي حتى المجرم كمان
الكلام ده شفته بعيني فى وقفة ناصية زمان
كنا عزوة للحتة، الناس وقفتنا تحبها
ياما وقفات دلوقتي الناس تتمنى هدها
ألفاظ شمال بصوت عالي وحشيشها فايح منها
إزاى ولاد الحتة يبقوا هما مصدر همها
[اللازمة]
كان يا ما كان وقفة ناصية زمان
كان يا ما كان
[المقطع الثاني]
وقفة الناصية إتعلمنا فيها كتير لغات
السوعلمون كانت لغة بنرغي بيها لساعات
لو في غريب مابينا و مش عاوزين يفهم معنى الحاجات
ساسب حواجب سفهم يتنيل ساجة حالات
و في كمان لغات جسد سبيل مثال
دي العيدية، و دي الجيزة فوق الكوبري، و دي الطالبية
و دي الثلاث طوابق إلي ناسها مية مية
و ده الهرم و دي نفض، و دي صبرك عليا
وقفة الناصية كانت زي النادي تمام
إتعلمنا فيها هواية إن كانت كلاب أو كان حمام
وقت الرغي في الهواية مابيخلصش فيه الكلام
مافيش فلوس، عادي برضه مابتموتش الأحلام
عملنا بإيدينا ملعب غية و طبلية و جيم
الحاجة أم الإختراع إسعى إتوكل تتم
ماكانش فيه آيباد تابلت واتساب فيسبوك واكلينلى يومي
يومي كله كان خبرات بشر من فجري لحد نومي
مش معزول و منطوي قدام شاشات و بالساعات
لا وسط ناس و مجتمع بشارك فيه بكتير حاجات
ياما حلينا ع الناصية كتير مشاكل و حوارات
أخد الحق حرفة تبات ولعة تصبح رماد
على وضعك يا عم مكي
يا ليلي يا عين يا ليلي
منطقتي هى الطالبية
يا ليلي يا عين يا ليلي
فاكرين و لا، فاكرين و لا، و لا أقول كمان
Lirik lagu lainnya:
- lirik lagu banda uó – rosa
- lirik lagu dom peluso the r.a.m – cuffing season
- lirik lagu kolby cooper – it ain’t me
- lirik lagu ambii – tęsknie
- lirik lagu iiiconic – upgrade
- lirik lagu cleantone – fire (ft. leonidas)
- lirik lagu bruce hornsby – white noise
- lirik lagu l’arpeggiata – ninna nanna alla napoletana (napoletana)
- lirik lagu proximite – przyszłość z przeszłości
- lirik lagu maskey – niskine