lirik lagu züri west - schöne geburtstag
üse schpezi het geburtstag hütt
u grad e runde un e grade
är fiiret hütt si vierzgischt
für ihn no lang ke grund zum chlage
es geit ihm aus i auem nid so schlächt
är isch verhäutnismässig guet zwäg
är schteut dr kompi ab u leit d’schtiefu a
u är macht sech uf e heiwäg
u i de gasse isch’s scho fiischter
u är louft dür d’loube ueche
u är pfifft sech e chliini melodie
u är fröit sech uf e chueche
u über ds läbe an und für sich
u ufe ne luuschige aabe
är chouft am bahnhof es paar schtümpe
u nimmt ds tram am hirschegrabe
u jitz schteit’r vor sim hüsli
aber d’iigangstür isch bschlosse
u dinne schmöckt’s weder nach chueche
no nach brate oder sosse
es isch fiischter i de zimmer
u es isch fiischter i däm gang
u ds liecht geit nümm u är schteit ziemli ratlos umenang
jitz trälleret sis nokia
es isch sini geliebti
är schteit jitz zmitts ir schtube inn
u sie singt ihm es liedli
u jitz wird gschäkeret u gschnuufet
u när wird’s plötzlech häu
u ds erschte won’re gseht sin e huufe beleitli brötli u sini frou
u sini ching u die auti schwiegermuetter
u sie chef u die verwandte
öppe füfzäh lüt mit luschtige hüet schtöh unger de girlande
schöne geburtstag
i fröie mi sehr ig… i bi grad e chli schprachlos
schöni bescherig
schöne geburtstag!
Lirik lagu lainnya:
- lirik lagu molotov d'irpinia - suona ancora
- lirik lagu acushla - i am the lamb
- lirik lagu c.rose - riot
- lirik lagu babyface melo - бедный 2 (broke 2)
- lirik lagu sentinelle, lny, 4pcop, drosan (fra), 33mello & mdx (fra) - pieuvre noire
- lirik lagu banditdamack - broken heart freestyle
- lirik lagu alls - the windmills stand still
- lirik lagu ruyaymisgaliba - ağustos bitti
- lirik lagu solaal - overdose
- lirik lagu coro infantil de córdoba - ciranda da bailarina