lirik lagu vincenzo valente - 'o scuitato
mò fanno dduje anne, trasenno ‘a staggiona
me trase ‘int’ ô core ‘na bella guagliona
russagna ‘e capille
passato ‘nu mese, pe’ stregnere ‘a cosa
parlaje dint’ â casa c’ ‘o pate d’ ‘a sposa
‘nu certo ‘on achille
– ma pienzece buono, –
‘na voce dicette –
chi arape famiglia s’attacca, se mette
‘na brutta catena
guagliò, statte attiento! che zzarro ca piglie!
po’ vene ‘a strettezza
po’ veneno ‘e figlie
che pena! che pena! guagliò, lassa stà!
statte sulo, sulo, sulo
c’ ‘a mugliera fa crepà
tiene ‘e llire, sì figliulo
lassa stà! lassa stà!
cu che core uno se ‘nzora
quanno tene chistu mare!
quanno a napule sta ancora
marechiare, marechiare!
che bona avvertenza me dette ‘sta voce!
cunziglia era bella, ma ‘a voce cchiù doce
cchiù bella ‘e cunziglia
llà ‘o pate, ‘on achille, menava stuccate:
triate, sicarie, café, campagnate
cu tutt’ ‘a famiglia
‘na vota dicette, – sentite ‘na cosa:
facimmo una casa, si no, ch~lla sposa
che ffa sola sola?
e allora i’ penzaje: guagliò, statt’attiento!
riflettece buono ca chist’ è ‘o mumento!
ritira parola! guagliò, lassa stà!
statte sulo, sulo, sulo
c’ ‘a mugliera fa crepà
tiene ‘e llire, sì figliulo
lassa stà! lassa stà!
cu che core uno se ‘nzora
quanno tene chistu mare!
quanno a napule sta ancora
marechiare, marechiare!
e ‘ammore fernette. cunziglia è spusata
ma ‘o povero sposo che sciorta ha ‘ntuppata
spusanno a cunziglia!
denare p’ ‘a casa, p’ ‘a spesa, p’ ‘a vesta
d’ ‘o ppoco ‘e mesata che ddiece lle resta?
se fa meraviglia
nun beve, nun fuma, nun tene difette
e ‘o pate, ‘on achille, ca zuca anisette
ca fuma tuscane
ah! povero sposo, nce sì capitato
io stongo cujeto pecché sò scuitato
nun penzo a dimane, nè penzo a spusà
stongo sulo, sulo, sulo
aggio voglia ‘e me spassà
tengo ‘e llire, sò figliulo
ch’aggi’ ‘a ffà? ch’aggi’ ‘a ffà?
cu che core uno se ‘nzora
quanno tene chistu mare!
quanno a napule sta ancora
marechiare, marechiare!
Lirik lagu lainnya:
- lirik lagu dekmapenis - это трупы (these are corpses)
- lirik lagu devon williams - lost my concentration
- lirik lagu zanzibar taarab - moyo hausemezeki
- lirik lagu nirvana - school (live madrid 1992)
- lirik lagu shinsky x dima - hankau knesebeck
- lirik lagu (hr)massa - letim
- lirik lagu saleka - divine
- lirik lagu xxnana - red light
- lirik lagu show dem camp, the cavemen. & nsikak david - johni
- lirik lagu naeem hazarvi - sohnriyan akhiyan