lirik lagu the wild geese - malinky
[verse 1]
“tell me fit was on yer road, ye roarin norland wind?
as ye come blawin frae the land that’s never frae ma mind
ma feet they traivel england but i’m deein for the north.”
“ma man, i saw the siller tides rin up the firth o forth.”
[verse 2]
“and wind, i kent them weel eneuch an fine they fa and rise
fain i’d feel the creepin mist on yonder shore that lies
bit tell me as ye pass them by, fit saw ye on the way?”
“ma man, i rocked the rovin gulls that sail abin the tay.”
[verse 3]
“bit saw ye naethin leein wind afore ye come tae fife?
for there’s muckle lyin ’yont the tay that’s mair tae me nor life.”
“ma man, i swept the angus braes that ye hivna trod for years.”
“oh wind, forgie a hameless loon that canna see for tears.”
[verse 4]
“and far abin the angus straths i saw the wild geese flee
a lang, lang skein o beatin wings wi their heids toward the sea
and aye their cryin voices trailed ahint them on the air.”
“oh wind, hae mercy, haud your wheesht for i daurna listen mair.”
[verse 4 reprise]
“and far abin the angus straths i saw the wild geese flee
a lang, lang skein o beatin wings wi their heids toward the sea
and aye their cryin voices trailed ahint them on the air.”
“oh wind, hae mercy, haud your wheesht for i daurna listen mair.”
Lirik lagu lainnya:
- lirik lagu jelqmobile - mrmasala
- lirik lagu happy days - rumania montevideo
- lirik lagu gandang hipon - herlene budol
- lirik lagu ram 4:30 - tekutoxds
- lirik lagu modes d'emploi - le réparateur
- lirik lagu talk shit! - peggy & thomas sanders
- lirik lagu facing facts - atm
- lirik lagu the ivy that clings to the wall (vocal) - rod mckuen
- lirik lagu misión 6 - milo mae
- lirik lagu malo, nakratko - bojan bjelić