lirik lagu shahyn - حديث مع الانا
لما غيمة الشتا بتزحف عالمكان
وصوت دقات المطر يعزف على الأحزان
سيجارتي أهيه فإيدي مع قهوتي يا سيدي
أقعد هنا قدامي وفهمني وأحكيلي حكايتك وروايتك
ما أنا من زمان وأنا شايفك، شاب ويافع ونجم برجك طالع
دايمًا في راسك رافع والأحلام في عينيك بتلمع
فجأة توهت وأتكسرت والعين بقت بتدمع
مستغرب أنا من سؤالك، ما حالي هو حالك
كمان أنت منين الحكمة دي كلها جايالك؟
ما أنت شوفت حياتي وتشكيلي لقراراتي
شوفت راسي مرفوعة، مشوفتنيش وأنا بطاتي؟
ده كفاحي وإحباطي أكل سنين حياتي
كل طريق أنا مشيت فيه، كنت ببحث عن ذاتي
أكفر عن سيئاتي، أعمل ليوم مماتي
وأسيب ذكرى حلوة تكون أعظم رواياتي
بصمة حياتي، يفتكروني بيها ولادي
ويحكوا عنها قصص يفتخروا بيها أحفادي
كنت شايف في عين الشمس إن ليا مكان
مش مجرد وش باهت على حيطة النسيان
بس الدنيا بخطة تانية شالت الألوان
شالت كل حاجة وسابت الأسود يبان
مين أنت وجاي منين وفينك من زمان؟
جاي دلوقتي تنصح وتخطب زي الإمام
يمكن أكون ضميرك، يمكن أكون أنا ضلك
يمكن أكون آخر منفس الصراحة يكون فاضللك
روحك هي تمنك بعرقك أو بدمك
إلا دي، لو ماتت هينطفي حتى ضلك
تنطفي معاه ملامحك، يختفي معاها رسمك
يمكن كمان تختفي الحروف الباقية من أسمك
ليه كل كلامك شكله إني كنت مقصر؟
رغم إني كنت معاك وخطايا صدا لخطاك
برضو شوفت الحمل بيزيد وعضم كتافي بيتكسر
وكان في إيديك يا صاحبي وبرضو مرضيتش تغير
لا تغير ألمي ولا سنين حرماني
ولا تغير الزمن اللي في قراراته أناني
مهما توهت أو اتكسرت لسه فيه جوا عزيمة
عشان أقف تاني وأصرخ لمرة وحيدة
وبعلو صوتي أنا هقول فيها
“أنا مهما وقعت، فأنا قمت وانتصرت”
أنت ياللي بتفكر وبتقول كلام كبير
كان عندك وقت أكتر تحاول التغيير
واقف إيديك في وسطك، لا بتتكلم ولا بتعبر
تسمع من غيرك وتشوف وتتعلم أكتر
وتستنى وتشوف الدفة على فين هتسير
بسفينة حلمك التايه في بحر الأعاصير
سواء الموجه عالية أو المايه كما الحصير
في النهاية رست بيك في جزيرة الأساطير
أنت العاقل شايل هم المسائل والوسائل
حلال مشاكل، وحلمك أنت ولا عنه سائل
ما أنت وقتك مش ملكك ولا الزمن زمانك
بتقوم بأدوار ناس مش قادرة تكون مكانك
أيوة أنا اللي دايمًا بتهم وبهتم
وألم في هم ما يتلم
دايمًا سابق السن، دايمًا على ودني زن
مجروح وبنزف دم
في الفرح مش من الاوئل، إنما حاضر ساعة الغم
أوقات حظي معدودة زي ما تكون جمايل
دايمًا أعصابي مشدودة، ما أنا على ضهري شايل
أنا في الحياة دي ماشي والسكة مش بتخلص
لا شاغلني وجع راسي ولا إن النفس بيخلص
ما أنت لسه عايش، لسه بتقدر تتنفس
بس فكرك دا يكون سندك لما الناس كلها تفلس
الطريق مهما بيضيق بيجيله يوم ويوسع
وأنا اللي عاجبني فيك، إنك لصوت العقل بتسمع
مش طفل صغير عنيد عن اللي في دماغه مش بيرجع
شايف العمر بيجري بعيد واللي فات عمره ما بيرجع
مشواري دا سؤال، بدور عن إجابته
لازم حكاية أو موال عشان تعرف توصف حالته
مش عارف أنا جاوبتك إزاي على كل اللي سألته
أسئلتك هزت البركان اللي جوايا وفجرته
بس وحياة القعدة دي، أسمع مني المرة دي
متقلقش عليا يا صاحبي وكمل قهوتك عادي
Lirik lagu lainnya:
- lirik lagu .storytellers. - best friend forever
- lirik lagu fake fruit - don't put it on me
- lirik lagu bebe rexha - sacrifice (gorgon city remix)
- lirik lagu petros iakovidis - κάτσε καλά (katse kala)
- lirik lagu hakai - fly away
- lirik lagu new west - we've been fighting for miles
- lirik lagu pete seeger - ox driver's song
- lirik lagu vinny guido - her way
- lirik lagu lani rose - how i feel
- lirik lagu koichi morita (森田交一) - shining star