lirik lagu r-madro (face 2 face) - manich 9ader / مانيش قادر نكتب
yeah face 2 face ! r-madro ! 2014
ما نيش قادر نكتب ، و هذا الشي لي كتبتو
و كيما تعرفوا الراب من لي موايان لي نفرغو بيهم سينون نتفلقو
[المقطع ]
un nouveau texte جرّبتْ و مانيش قادر نكتب
مالقري ما كانش بلاصة في الراب ما زال ما تقاست
ما نيش قادر نكتب ، قادر غير نشوف
مش من الخوف ، نشوف و نبكي من داخل وسط الظروف
ما قدرتش نهز الستيلو و راسي معبّي أفكار
نبدى من العهدة الرابعة
même pas و لا من الشعب لي ما قدرش
un pas يدير في التقدّم
ça va pas زادت حرية التعبير بانت بلّي
بـ ليديكاسيون لي خرجت جينيراسيون ما تعلمت حتّى كلمة
ابار العلم نور و الجهل ظلمة
بـ لي بلا الشوماج ما عندهم حتى خدمة
ولا بالنظام لي خلىّ الناس في فوضى منظمة
منين نبدا ؟ بزاف آفات لي تريّب في الأمة
حقوقنا ولات أحلام كيما السكن لي ولّى أزمة
نبدا من لتجارة في أجساد الناس
كي الطبيب ولّى كوميرسون واحد ما يحاسبو من الناس
الإعلامي ما دابيه تصدّق واش تشوف فيه
دارو للواقع ؟؟؟ الوقت يفوت و حنا مازلنا نامنو بيه
بالدستور لي مداير ليهم يخدم واش يحتاجو
و حنا بالعنف نتهزو أذا خرجنا نحتجّو
نبدا نحكي عالوزير و ندّد بالإهانة
ولا لازم نكون ردّيت عليه كي غلط في الدين تاعنا
بالقوانين لي تدعو المرأة زعما باش تتحرّر
حبّو يعطيوها كتر من حقها حبّوها تتجبٍّر
في هاذ الأمة في هاذ الحال مازال كاين الخير
كاين لي حب حضارة يدير كاين لي يامن بالتغيير
مازال لي كاين يخدم و حي فيه الضمير
ما يدّي رزق حرام ما يفضّل بعض عالغير
مازال كاين لي يشقى و يحمل الأتعاب
ما يخدمش واش كان حاب بصّح الفقر بـ يدو يحارب
مازال كاين الطبيب لي يخاف ربّي في مرضاه
خدمتو قاصد بيها غير ربي و رضاه
مازال كاين مْرا تعرف حدود الله
راضية بالقسمة و محترمة و تعرف وقتاه تقول علاه
مازال كاين رجال يقدرو يقودو البلاد
شبعنا من لي وعدو ما وفّاو ، خوفو العباد
coeur من الـ sans thèmes avec des sentiments نحكي
je suis qu’un simple jeune algérien rappeur
هدرتو بزّأف و هدرنا
طغيتو بزّاف و صبرنا
طلعتو هبطنا ، غنيتو فقرنا ، اليوم حبّيتو الفتنة
جرّبناها و خسرنا ، عـ لي ماتو تحسّرنا
ربحنا الخوف ، رحنا السكات ، ندمنا إذا نطقنا
حنايا والو عندكم ، الكرسي أغلى حاجة
حاجة ما تديرونجي ابار كي تشوفو الناس هايجة
كي تحسّو بلّي السلطة قريب تطير من يديكم
تنحّيو أي بنادم ممكن يجي في طريقكم
حبّيت نقول للشعب حل عينيك اطيح في البياج
في لافان تجي فيك ، جرّبْ تكون ساج
لازم تعرف واش راك حاب ، ورى ما يفوت السحاب
اسكو تصحى ولّى يبقى دخان الحرب و التراب
مشي الحل في الشعب كي يتضارب و يكسّرْ
الحل في الإمام ، في العلم ، في الفكر كي يتحرّرْ
لي يحب يشوف التغيير لازم يشارك فيه
لازم كل إنسان وين ما كان يدير لي عليه
كي تكون إرادة الناس من إرادة الله
الرئيس يتبدّل وحدو بلا ما تهدر معاه
[اللازمة]
هذا الشي لي كنت حاب نقول
أونفان راهو في الورقة مكتوب
ما كنتش حاب نجبد العيوب
كنت حاب نقول واش لازم نقول
Lirik lagu lainnya:
- lirik lagu munhoz & mariano - seu bombeiro
- lirik lagu tepki - zombi
- lirik lagu omnium gatherum - rejuvenate!
- lirik lagu mitch darrell - top 3
- lirik lagu los niños de navidad - ande ande ande
- lirik lagu manillio - pulverfass (neptunes type beat)
- lirik lagu glebasta spal - wrong
- lirik lagu gipsy.cz - romano hip hop
- lirik lagu just nick - st. sebastian
- lirik lagu manuel straube & pia allgaier - liebe öffnet tür'n