lirik.web.id
a b c d e f g h i j k l m n o p q r s t u v w x y z 0 1 2 3 4 5 6 7 8 9 #

lirik lagu مروان موسى - ro7 b albak - روح بقلبك - marwan moussa

Loading...

[المقدمة: مروان موسى]
نعمل إيه طيب؟ ما فيش، ما كانش في داعي
إيه إللي وصله إن هو قال كده
اللهُ أعلم، أكيد، أكيد ربنا ليه حكمه في كل حاجة
كل إللي فيه إنك تتفرج، فاهم؟ ماشي

[المقطع الأول: مروان موسى]
فين الحب؟ فين قلبك؟ ليه مش جواك؟
إنتَ في الركن والحزن موِّت هواك
تفكير بزيادة والعجب مش عاجبك برضه
فتحت كيسة الجهاز وفي الآخر بوَّظته
‫كلام english بيبررلك
anxiety, adhd, insecure, toxic, trust issues, ocd
كل ده في الآخر إستخدامه في خانة التبرير
كل ده في سبيل نتحسِّن وإحنا مش متحسِّنين
آه، رحُت فرح بس الحال حزين
إخواتي مني مقلَّقين
كان نفسي بس نساعد بعض، يا عم خلاص، إحنا آسفين
إزاي إحنا فنانين بس ببعض مش حاسّين؟
آه، الإنتماء عندي تقدر تقول غشيم
أيوة فاكر إيه؟ ما أنا أصلًا من الفلاحين
من السبع آبار، أبويا راح مدرسة السمّاكين
في سجنٍ ما ست سنين فما تقولّيش أستنى مين

[اللازمة: مروان موسى]
روح بقلبك، إنسى عقلك
روح بقلبك، إنسى عقلك
علّي صوتك أعلى نوتة، شوط لفوق
علّي صوتك أعلى نوتة، شوط لفوق
[فاصل: مروان موسى]
الشاي برد ليه؟ ما إنتَ سايبه في البرّاد
الصحبة خِليِت ليه؟ يمكن مش صحاب
يمكن دي كانت خدعة لعبها عقلك في الضباب
إنتَ لو مش عطشان مش هتحس إن ده السراب

[المقطع الثاني: مروان موسى]
ما أنا إللي إحتاجتلكو
لو إنتو مش طايقينّي ليه مثِّلتوا؟
عتاب بين صحاب إتحوِّل لكلام بينكو
‫دلوقتي أنا إتقفَلت وقَفلتي مالهاش pin code
آه، عِزوتنا وهم، دي حدوتة من ليالي ألف ليلة وليلة
مهرجان حكاية الصُحاب مع فيلو في الدخيلة
‫وداد كازابلانكا عامل تيفو بإسم العيلة
جروح وحروق، هاتولي ألوڤيرا

[جسر: مروان موسى]
بقول لقلبي روح بقلبك
آه، إديها حب ودوس، مش كل حاجة ذنبك
إنتَ عملاق بس في نظرة الكون إنتَ نملة
مش عيب إنك في بعض من الأحيان تقبل المساندة
وروح بقلبك

[اللازمة: مروان موسى]
روح بقلبك، إنسى عقلك
روح بقلبك، إنسى عقلك
علّي صوتك أعلى نوتة، شوط لفوق
علّي صوتك أعلى نوتة، شوط لفوق
[فاصل: دنيا وائل]
بتوصل لأصعب مرحلة، الإكتئاب

[جسر: مروان موسى]
ماشي، آه، ماشي

[المقطع الثالث: مروان موسى]
في حالة إستسلام، راح زمن الإستلهام
الإكتئاب قام شغَّل ست أفلام ع الزِفتفليكس ونام
بايعها نص كاش، نص تقسيط ع العشر سنين
أو مية وخمسين، يا بني آدمين
‫في القفص في صدى صوت مع reverb من قلب صدَّى
فات المَيعاد إزاي وأنا ظابط ساعتي ع المحطة؟
راحة بالي راحت مراحل، في شيء يتبقى
طالق راسي، عايش حياتي، مراهن ع الوَكسة
نفسك تستنشق الإثارة
طول ما الموب في إيدك هتتبرمج ع الخسارة
ما تصونش عشرة لو لقيتها جَت عليك بسيجارة
ما تبُصِش لزميلك في صيدته حتى لو عطشانة

[جسر: مروان موسى]
فرصة العمر جَتلي، من السما وقعتلي
ده ما كانش مكتوبلي، أنا الكارف من صغري
مفوِّت أول، تاني، تالت، رابع، خامس كُبري
كس أم الشهرة يا عم، شوفني مكان ما تشوفني
[المقطع الرابع: مروان موسى]
كسول، عديم الحركة، يائس
لابس طقم طرش عشان الناس ما تشوفش أنا مين بجد من ورا الملابس
أنا في مرحلة فاكس
ما تحاولش تقنعني أتعامل بدون قناع ساعتها وش أنا هضطر أتباكس
عايشين وسط ناس عايزة تتنِّك ع المتصيَّت
جدعان أنا مشهور، ده مش معناه إني أنا هتغيَّر
أو معناه إني هتلوِّن فليه بتسبَّق وبتأيَّر
‫ما كانوش كام مليون follower، ما كانش post إتشيَّر
الكلام كان على فن وإبداع
دلوقتي الكلام عن ألبوم نص نص إتعمل وإتباع
مجالنا واقع ودي عليها إجماع
بنروِّش على بعض ومقضيينها خِداع
باشا، كله ركز في الصياعة طب مين إهتم بالصياغة
وأنا واخدها رياضة، معايا كام تراك في الصيانة
الصنعة في التقفيل والتقفيل في الخياطة
تصديرك وإستيرادك
أنا ما أعرَّصش لنفسي وأفكاري مش بتخونّي
وبدون مبالغة أنا إديت المجال ده عمري
كان مشهد في المنام بيزورني
بس الأحلام بطَّلت تيجي لأجل الإعتناء بالبُني
صاحبي إنتَ في الآخر زومبي
هو أنا أبقى مجنون لو قُلتلك ننزل دلوقتي
نكروِز شوية في دجلة وأنكُشك، بعشق غلاستِك
مسافة السكة، قُرب قلبي لقلبِك
وهتأخَّر على ما تجهزي عشان هارشِك
هوِّنتيلي أصعب فترة
في الإكتئاب أربع شهور تتهدَّر
الدنيا مقلِّبَة لي المواجع، فاتحة بدل الجرح عشرة
‫قُلت إني مش هشرب وآديني تاني في after
مش عارف أصلُب طولي
في ناس عارفاني، ناسي نفسي، فكَّروني
أنا كنت إزاي قبل ما تشهروني وتكدَّروني
تجاوزت، بيقولوا يا ريتهم ما عزموني

‫‫[الخاتمة: دُنيا وائل ومروان موسى]
بتوصل لأصعب مرحلة من الخمسة
ما بيبقاش في إيدك حاجة، ما فيش أي دافع
(حاول تفتكر)


- lirik lagu مروان موسى

Lirik lagu lainnya:

LIRIK YANG LAGI HITS MINGGU INI

Loading...