a b c d e f g h i j k l m n o p q r s t u v w x y z 0 1 2 3 4 5 6 7 8 9 #

lirik lagu ديزل أوزي - torab - تُراب - dzel uzi

[المقطع الأول]
مش قادر أحيا ع البقاء (بقاء)
دماغي خارج النطاق (خارج)
لسه صاحي، إيه اللي دار؟ (دار)
مش عارف آخد قرارات
قُلتلهم “مش عايز ألعب أي ماتش‫”
إنغصبت ع الماتش رغم الإصابات
لعبت وكسبت وأثبتت إني نجم
ولقيتلك القدر بيراجع الـ‫var
زي ما العشم بيقتل صحابه
لاغولي أهدافي وإدوني إنذار
نفسي أتعلم صناعة شمسية قبل ما الغيمة دي تجِبلي أمطار
أول ما تبوح بخطتك لحد
نقطة الماية بتتحول طوفان
أصواتهم زبالة ومراكز كورال
وما بتعديش الأيام الثُقال

[جسر]
من صغري إتعلمت إني أجيب الجنيه (جنيه)
عشان لما كبرت أنا جِبت الدولار
مش بسكن الآلم في راسي بـ‫drugs
كلكم عماير مش ظاهرة، إحنا أبراج
بواجه الوجع مش كله ‫for fun
عندي مشاكل ما لهاش أي برهان
إتمزقت، إتفتت، إتحولت لحطام
من تُراب للإزاز، من إزاز للتُراب
[المقطع الثاني]
لسه أنا مش ناسي حد فيكو، نِسى أنا مين
أنا عاملت بشر ما تعرفش مِلّة ولا دين
أمي اللي رقتني بين إيديها شالت وجعي
في شيطان يا دماغي بيوسوسلي على سمعي
أنا شكيت في نفسي لما شهدو على تعبي
عمري ما بطلت شغل، حتى وقت زعلي
هحوش تمن نفسي عشان اللي يفكر يبيعني
قريت وحامي راسي، عشان اللي يفكر يبيعلي
عمري ما بطاطي مهما الدنيا غلبتني (غلبتني)
ملعونة الممرضة اللي فكرت وولدتني (ولدتني)
الناس اللي شايفني حَي، روحي قتلتني
صعب حد يهد فيا وأنا اللي بانيتني
قراراتي طالعة مني ما حدش فيهم بيشاركني
أنا خدت كل ‫risk لأجل يوم بيكبر إسمي
فهمت إختبارات وإن شيطانها بيبارزني
لا أنتمي ليكو، لا أجيالكو لا تجدني

[جسر]
ربنا بيديني رسايل حاليًا في نمط حياتي المفروض أجسها
جهادي مع نفسي قدام الحرام والحلال وأكيد الرسالة قدها
فيا تشابه ما بيني والنحلة، لو خدت حقها بتموت نفسها
مكتوبلي أنا الصدى في معادن البشر مع إن أنا عمري ما جِبت غير دهب

[المقطع الثالث]
مشاكل كتيرة أنا أجلي منها
حد يلحقني من النهم والندم
بضاعف طاقاتي لوصولي للهدف
وكل ما بوصل بحس بالفشل
مش ببقى غلطان وبتسبق بالأسف
تفتكر دي طيبة؟ تربيتي كانت غلط؟
ولّا أنا اللي في عالم كل ناسه تتركب؟
رايح لماما أيام المدرسة
عيني مكسورة، العيال تضطهدني
ما كانتش بتصدق وتسبق وتقولي “إشمعنى العيال مش بتضرب غير إبني‫”
وقتها قررت، بس إستوعبت
ما حدش هيجبلي أنا حقي غير نفسي
ألفين وتسعتاشر أنا كنت هتحبس بسبب سكينتي وأتغرب عن أهلي
أنا فاكر المحضر، شروعي في القتل
فاكر اللحظة، الرعشة في القلب
أنا فاكر المشهد والصدمة في العقل
أنا عِشت أيام مرمغتني في الجهل
حرارة للكل، بس عندي في برد
ما بقتش بحس، بقتش بتألم، بقتش بسمعكو، بقتش بتكلم، بقتش بتبعكو، بقتش بتقدم

- lirik lagu ديزل أوزي

Lirik lagu lainnya:

LIRIK YANG LAGI HITS MINGGU INI