a b c d e f g h i j k l m n o p q r s t u v w x y z 0 1 2 3 4 5 6 7 8 9 #

lirik lagu حودة بندق - el shahm - الشهم - houda bondok

[المقدمة]
ليه أهتم؟
بواحدة ما عندهاش دم
وأجيب ورد وأخد سم
كفاية يا قلبي، إتلم
بلاش منها
كيمو الديب

[اللازمة]
أنا الشهم
اللي مات غدر بـ ٢٠٠ سهم
صحابه أكلوه الوهم
وكان طيب، ناقص فهم
وشاف الموت
فقد حسه
وعاش نصه ومات نصه
ما حدش غيره هيخصه
يا ريتهم باللي بيه حسوا
ده قالوا مبسوط

[المقطع الأول]
مجروح علشان
دمعكو ما هانش ودمعي أنا هان
وبنام زعلان
وما خنتش حد، لكن بتخان
طب ما أنا إنسان
جايب آخره وجوايا بركان
ودموعي بتبان
بتسيل من عيني زي الفيضان
[اللازمة]
ليه هتكلم؟
كفاية عليا أتألم
وجرح الدنيا بيعلم
ما خلاش قلبي يستسلم
ده قواني
فقررت
إني أنا ألتزم الصمت
بعيط، جوايا إنهارت
عشان بإيديا أنا إخترت
ناس أذياني

[المقطع الثاني]
أذيتوني أنا ليه؟
هو ما فيش غيري بتيجوا عليه؟
وعملت أنا إيه؟
ده أنا إنسان فيه اللي مكفيه
جرحي أنا بداويه
بيجيلي جراح تانيين بعديه
وجعي بخبيه
لكن بيبان، ما أعرفش أداريه

[اللازمة]
أوضة همي
في ضلمة كإني متغني
براجع ذكريات فيلمي
في حضنك هترمي يا أمي
وهبكي سنين
أنا وقلبي
ما حدش غيري كان جنبي
ما ليش غير الوجع صاحبي
ما حدش إتوجع قدي
بجد حزين
[المقطع الثالث]
آه حزين وكئيب
بس ما أبينش علشان العيب
مع إنه نصيب
بس الناس شايفة بقى إني غريب
إكمني وحيد
بقوا بيقولوا عليا إني مريض
ده أنا عشت بعيد
أحسن من ناس بتعض الإيد

[اللازمة]
ليه أهتم؟
بواحدة ما عندهاش دم
وأجيب ورد وأخد سم
كفاية يا قلبي، إتلم
بلاش منها
دي أنانية
مريضة بجد نفسية
توكسيك دي بت مؤذية
لازم ننهي العلاقة ديا
وأبعد عنها

[المقطع الرابع]
كارهك ويا ريت
ما نزلت معاكي بجد الديت
أنا إستغبيت
وبلوم نفسي إن أنا حبيت
أنا إستكفيت
وإستحملتك ياما وعديت
دلوقتي بقيت
عايزك تنسيني عشان أنا نسيت
دلوقتي بقيت
عايزك تنسيني عشان أنا نسيت

- lirik lagu حودة بندق

Lirik lagu lainnya:

LIRIK YANG LAGI HITS MINGGU INI