lirik lagu الفرعي - estishraq dakhily - استشراق داخلي - el far3i
“كلمات الفرعي “استشراق داخلي[المقطع الأول]
شوف.. صحيت لحالي كسّرت كل منبهاتي
أخدت دوش علشان أعرف أفوت بحياتي
ضغطت زر الثقة بالنفس زبطت شعراتي
هادا كله بس عشان أعرف أوصل وأقلكم الآتي
مش رح نضلنا تحت رح نطلع لفوق ونعلى
رح ندحش إيدنا بالمستقبل نتناول عيشة أحلى
ما تنسوا إنه دم الشهيد زي النبيذ لما بتمر الأيام و السنين بيتعتق وبضله يغلى
فبوجه الحزين اللي فينا نخلي الغيوم تراضينا
نعلي العيوب اللي فينا نقلل الديون اللي علينا
نتكاتف نتكاثف تختفي الطيارات لما تخش فينا
نطلع مشاعرنا على الهوا زي أبو مينا
القامع والمقموع ممانع الممنوع فكر انهزامي يُموَّل ويصبح مزروع
بس الجيل الثالث في الداخل بدأ بالرجوع
ما صحيتش اليوم عالفاضي قال شرعن المشروع!
فرع المداخل كنت عطشان لقيت ينبوع
لا مستني موافقتكم ولا المرئي والمسموع
أنا مش عم ببيع تطبيع.. ضروري تصير تميّز
ركّز يا كويس البحر كويس يا ريس
تفيّز ما تفيّز مش هذا هو السؤال
بحلق بالتصريح.. هذا الاحتلال
أنا ابن لاجئ على السكيت حب يشوف البيت
فاتمسكت بطبون سرفيس الجسر على شارع الاستقلال
هاي الأغنية للكل.. أغنية زي الفل
مش ردة فعل.. ولا انفعال.. ولا فشة غل
خلوا كل واحد يقاوم بطريقته.. لإنه الاحتلال بكل الأحوال واقف بطريقه
وشوفني
[اللازمة]
استشراق داخلي.. واستغراب من الجميع
استشراق و إراقة الدم.. كان في العراق الدم
[المقطع الثاني]
كان نفسي أكتب تدفق ما فيه ملام.. كل ما ألحن أغنيه بتطلع على نفس المقام
إحنا شعب مهزوز.. شعب مُستفز.. فاتحمسنا على الربيع زي دودة القز
تتعدد الطرق بتعدد المسالك.. ليش دايمًا بدكم الأكثر عمومًا من ذلك
أنوار التفاؤل ميّلت قلتلها كيف حالك؟ مين اللي قلك إني لقيت لنفسي طريقٌ سالك
..هاي الموسيقى تحصرهاش بسميات نصيحتي
الإيقاع طير مهاجر أخد استراحة بحديقتي
مش رح أحصر العمر بعدد الدقات.. اللحن ثورة على الذات إزا صار إلي شبيحتي
ألوان كثيرة ومخلوطة.. لأي لون بتميل
أي إشي بتحاول تروجه رح أعمل منه بديل
سميها موسيقى بديلة.. مواقف نبيلة
الهوس بالآخر.. التعصب للقبيلة
أنا عم بحاول أبالغ بس بتضلها قليلة
بر الأمان خشبة مكتوب عليها بأية وسيلة
برا عمان طلع الجمهور حافظ التفعيلة
فعم ننتشر على كل الأقطار زي الأرجيلة
أخوك الفرعي الإشي العربي اللي عم بتحس فيه من فترة
بكره الصورة النمطية وبكره هاي النظرة
في بنت بين الجمهور زاكية وعينيها حور
لازم تعرف إنها منسجمة لإنها حاملة بقلبها جمرة
قال كيف كانت بيروت شايفني طالع سهرة
أنا مش سائح سجّان أنا واحد من الأسرى
أنا من آل عمران فأختي بتكون العذراء
بتضل الأرض هاي كلها إلي لو بقسموها مية مرة
شوفني
[اللازمة]
استشراق داخلي واستغراب من الجميع
استشراق و إراقة الدم كان في العراق الدم
Lirik lagu lainnya:
- lirik lagu zero zero - spreng mich in die luft
- lirik lagu aifos - dias
- lirik lagu slenkh - dobermanflows
- lirik lagu archie divine - blue bell
- lirik lagu ariel rot - debajo del puente
- lirik lagu the amazing world of gumball - life ain't perfect
- lirik lagu obrint pas - mil nou-cents trenta-nou (1939)
- lirik lagu dan molson - beer and whiskey
- lirik lagu phantom planet - the living dead
- lirik lagu chicoria - arancia meccanica