lirik lagu الدخلاوية - allah ghaleb - الله غالب - el dakhlowya
[المقدمة: فيلو، حودة ناصر]
(فيلو، فيلو، فيلو)
(الله غالب)
(كل الصحاب طالعين بالسالب)
(إنتَ نور عينيا، إنتَ الصاحب الأمين)
(أغلى حاجه ليا مهما لفِت السنين)
[المقطع الأول: فيلو، حودة ناصر]
جينا بالنوَّة، سيبنا الكلام ع الهادي يتسوى
إحنا الدخيلة فوقوا يا ولاد حواء
ما فيش معانا ولا سين ولا جيم
لعبنا فاجر، من غير سلاح ولا شَد خناجر
يا إبني إنتو هواء، يا إبني إنتو حناجر
هنا ضرب نار، هنا فيه تخريم
إللي نفسه جولة وضع الطيران مُتاح
لو قد الحكاية، شد وإرفع السلاح
حلو في الكلام، إنتَ مش تمام
جوه الميري يا إبني نحجزولك الجناح
إحنا مُتلفين في أي دايرة ندخلوها
لينا قلبة وش أحسن لكم ما تجربوها
قلبنا قاتلينه، حقنا واخدينه
سكتكم شمال بس معانا غيَّروها
جت بظروفها، كلمة “رجولة” خدناها بحروفها
رقبة خصومنا إحنا بنقطُفها
كعبنا عالي وكسرنا عيون
بطلوا خيبة، قفلتوا الإمتحانات في العيبة
عايزين عليكو ميّة ألف كتيبة
كل إللي جَي هيبقى زبون
[المقطع الثاني: حودة ناصر، فيلو]
بعدك إنتِ ياما الحياة بقِت سراب
قلبي حَس وحدة رغم لمة الصحاب
دبلت العيون، هوصل للجنون
حاسس إني داخل في إنفصام وفي إكتئاب
أختي جنبي بتحاول تملى المكان
بس صعب تعوض أي جُزء من الحنان
فاكر لو نسيت، بعدك إنتهيت
ربي يجمعني بيكي بس في آخر الزمان
ربي كرمني، ومن إللي خانوا في الدنيا حرمني
محتاج بشر جدعان تفهمني عشان صحابي غدروا وجرحوني
كُنت عينيهم، ولا يوم بطيق أنا كلمة عليهم
لأ دول في غفلة، الله يهديهم
أنا كُنت عايش، إنتو قتلتوني
إنتَ نور عينيا، إنتَ الصاحب الأمين
أغلى حاجة ليا مهما لفِت السنين
لينا ذكريات، إحنا ع الثبات
كل دولا طلعوا كدابين مزيفين
نقسم الرغيف ع الفطار وفي الغداء
قد أي حد مين علينا يعتدى
ضهري لو يبان، إنتَ في المكان
كل حاجة خالصة حتى لو متعقدة
قرش وعِدة، نسو الأخوة وحبو المادة
طب ألف حاء وعليها ميّة شدة
هي الفلوس يلا علِت مين؟
سيب ليك ذكرى، تعيش سنين مش بس لبكرة
خليك نبيه وإفهم إيه الفكرة، بلاش تكون ضمن الخاينين
السـ~السـ~السنين هتحكي إحنا مين وإحنا إيه
ترسى زي ما ترسى، وإللي جَي رضينا بيه
علام الغيوب، بهدلنا القلوب
قولنا “الحمدلله”، وعمرنا ما قولنا “ليه؟”
نعمة الرضا دي أحلى نعمة في الوجود
مش هتزيدوا حاجة لو خزننا بنك نوت
الفلوس وسيلة، بس مش أصيلة
الإنسان ده روح وآخرة الحكاية موت
[المقطع الثالث: فيلو، حودة ناصر]
ريح مُخك، بابا المجال بأداؤه بيطُخك
تعبان و سام، بالسم يبُخك
بعينيك حبيبي هتشوف الموت
شوف ألحانه، وقولي مين في مجالنا مكانه
حبة عيال من كام سنة بانوا
يا إبني إحنا لسه على المظبوط
طلعوا مش تمام وجابوا الجد في الهزار
عصبونا ليه وداسو دوسة ع الزُرار
شلة هفافين، وإحنا هدافين
كل هجمة لينا يبقى فيها ضرب نار
دارو في القلوب لكن فضحاهم العيون
بصو ع الجيوب روحنا غرقنا في الديون
بانت النوايا، حضروا الحكاية
خلو القلب يقفل منهم بميّة كالون
الله غالب، كل الصحاب طالعين بالسالب
حتى الشيطان في دماغكم حالب
وشوفنا منكو سواد وصفار
حبو لغيركو الخير عشان هيلف يجيلكو
الله إللي جاب ليكو يخليلكو
خايبين وعاملين فيها شُطار
Lirik lagu lainnya:
- lirik lagu redengy - уламки (wreckage)
- lirik lagu bejbe - do svitanja
- lirik lagu ine'a j - nothing is forever
- lirik lagu zylara - the archfiend
- lirik lagu scalp - crowsfoot
- lirik lagu dilute - rock and or roll (live 2002)
- lirik lagu 28 costumes - repeating myself for a long time
- lirik lagu anweezy & bri-c - walked out
- lirik lagu 16volt - empty as hell
- lirik lagu fifhficjuro - 94446647777