lirik lagu إسلام كابونجا - sahbe rah - صاحبي راح - eslam kabonga
[المقطع الأول]
في لحظة واحدة صاحبي راح
ببص جنبي مش لاقيه
ده كان شريكي في النجاح
وكنت بتسند عليه
لكن زميلي مهما راح
ده جوة قلبي، مش ناسيه
وهفضل فاكره
[اللازمة]
صحيت قالولي إنه مات
فقلت شكلي لسه نايم
ده حلم ولا إشاعات؟
قاعد تايه، يا ريتني فاهم
لما لقيت في إثباتات
بقيت في بحر دموعي عايم
لما لقيته في كفنه
[المقطع الثاني]
سلام يا غالي بالوداع
واحشني من أول دقيقة
آه بعدك إنت عمري ضاع
حتى الحياة بقت خنيقة
عليك أكيد قلبي إتوجع
أنا إتكسرت، دي الحقيقة
هعيش لمين بعدك؟
[اللازمة]
أصعب لحظة عدت عليا
وأنا شايل نعشك بإيدي
ما حدش حس باللي فيا
الحزن سكن في وريدي
أنا عملت بالوصية
يا صاحبي أنا آخر حد مشي
كنت قاعد جنبك
[المقطع الثالث]
عاشها جدع وسابها راجل
غلبان، ما شافش من الحياة
ده كان بيقف في المشاكل
معايا على أي إتجاه
بدل ما أكون واقف في فرحه
بقيت واقف باخد عزاه
يا وجع قلبي عليك
[اللازمة]
الضحكة ما فرقتش وشك
طول ما إنت عايش وإنت ميت
كل اللي شافك مرة حبك
حتى جنزتك اللي تثبت
ربنا يرحمك ويسامحك
يا ريت تكون دعوتي وصلت
إنت يا أخويا في قلبي
[المقطع الرابع]
بيتك أمانة في رقبتي
وصتني أكون هناك مكانك
أبوك أبويا وأمك أمي
أخوك أخويا، ده كلامك
في تربتك إرتاح يا صاحبي
رقبتي سدادة في غيابك
بس هتوحشني
[اللازمة]
يا موت آخدت روحي مني
وأصعب شيء هو الفراق
أخويا في ثانية واحدة سابني
وده ما كانش الإتفاق
قالي بكرة تعالى زورني
ما كانش ضامن البقاء
وكان بيودعني
وكان بيودعني
Lirik lagu lainnya:
- lirik lagu fawad khan, velo sound station & hasil qureshi - parwana
- lirik lagu southeast worship - this is my story (live)
- lirik lagu greenblackblue - papaya
- lirik lagu 4grigio - quando la sera arriverà
- lirik lagu mari underrxted - swerve
- lirik lagu nomatic - painn
- lirik lagu dolleater - satiating slave
- lirik lagu ihuhalo - snooze
- lirik lagu ben rolofson - snake river
- lirik lagu isak | smorra, zigarro | smorra & armando teles | smorra - unhas pintadas