a b c d e f g h i j k l m n o p q r s t u v w x y z 0 1 2 3 4 5 6 7 8 9 #

lirik lagu أفرو - horeya - حورية - afro (egy)

[مقدمة]
مش منطقي إني أكون لسه موجود هنا النهاردة وبتكلم
أنا عمرو ودي قصتي مع المخدرات
الحكاية

[المقطع]
الحكايه بدأت لما واحد صاحبي قالي “يلّا نجرب‫‫”
كنت واثق فيه ومش شايف إن بداية الموت بتقرب
روحنا بيته رفع كُمه، صاحبي دراعه كله مخرم
إتخضيت من المنظر بس برضه عندي فضول أجرب
صاحبي سحب سلك شاحن ربطه على دراعي
إكتشفت إن نص صحابي في الأساس أفاعي
صاحبي صب السم في جسمي في ثانيه أنا ما بقيتش واعي
ومن ساعتها إترسم ليا طريق عمره ما كان بتاعي
ونزلت من بيت صاحبي قلبي مش شغال بجنيه
مخي مش فاهم في إيه؟
واقف مش حاسس بشيء
كل إحساس بالذنب عندي إختفى في ثانية وغمضة عين
وأما فتحت عيني فُقت على سواق بيقول “يا بيه
إنزل احنا تحت البيت، مالك مش فايق في إيه؟‫‫”
“إفتكرتك مُت يا إبني بصحي فيك بقالي ساعتين”
شُفت في عينه نظرة، كانت نظرة تحمل معنيين
واحدة موت وواحدة خوف وأنا كنت السبب في الإتنين
وطلعت بيتنا نمت، أول مرة أنام بسرعة
وده كان تأثير الجرعة ومن كتر ماكنت مرهق
وحلمت إن كل أحلامي قدامي ومش بطولها
وعيني كل أما تشوف نور الدنيا تطفي نورها
مُعترف بالهزيمة الدنيا عملت السليمة
في إعترافنا قوة لينا بيرسينا على المينا
كنا بنكدب على نفسينا، ما بيعملش قيمة لينا
يلّا نواجه الحقيقة، جاي أحكيلك يلّا بينا
وبعد شهرين ضرب حياتي إنهارت سنة سنة
صاحبي بقى يكلمني يوماتي نضرب عنده، ده سر بيننا
لحد في يوم ما جيت قولتله “يسطا أنا إتخنقت منك”
“ليه شدتني في سكة ضالة، يا إبني إنتَ مالكش مله؟”
وللأسف أدمنت، رجلي غرزت في الأسمنت
كل ما أبص في المرايا
بسمع صوت بيقول “من أنت؟‫‫”
عارف إن أنا الغلطان بس عمري ما تخيلت
إن هييجي يوم عليا وآخد كاش من الـ ‫‫f‫‫ans
مش مكسوف وأنا بحكيلك صاحبي هي دي الرجولة
أخوك يا شقيق بطولة
جمعة قالي “هز طولك‫‫”
هتفضل تندم مش هتحل حاجة ودي السهولة
الأصعب انك تقف وتعترف لجمهورك بالصورة
قوم وهد سورك وغرورك
إدمانك زي إزازة وإرادتك الطوبة المطلوبة
ما حدش هيقومك لازم يا أسطى تقوم بطولك
ولما تقف تاني كل الناس والكون هيجولك
مُنطلق عالـ ‫‫beat، جوا قلبي براكين
جاي أحكيلك مأنا شقيت
كل ده حقيقي ياشقيق
كل شيء حكيته في الاغنية بجد حصل لي
فلو روحك تايهة منك روح إلحقها قبل أما تضيع
قبل أما تضيع

- lirik lagu أفرو

Lirik lagu lainnya:

LIRIK YANG LAGI HITS MINGGU INI