lirik lagu أحمد فؤاد نجم - masr yamma ya baheya - el sheikh emam & ahmed fouad negm
يسبق كلامنا سلامنا يطوف ع السامعين معنا
عصفور محندق يزقزق كلام موزون و له معنا
عن الارض سمرا و قمرا
و ضفه و نهر و مراكب
و رفاق مسيره عسيره
و صورة حشد و مواكب
ف عيون صبيه بهيه
عليها الكلمه و المعنا
مصر يمه يا بهيه
يا ام طرحه و جلابيه
الزمن شاب و انتى شابه
هو رايح و انتى جايه
جايه فوق الصعب ماشيه
فات عليكى ليل و ميه
و احتمالك هوه هوه
و ابتسامتك هيه هيه
تضحكى للصبح يصبح
بعد ليله و مغربيه
تطلع الشمس تلاقيكى
معجبانيه و صبيه
يا بهيه
الليل جزاير جزاير
يمد البحر يفنيها
و الفجر شعله ها تعلا و عمر الموج ما يطويها
و الشط باين مداين
عليها الشمس طوافه
ايدك فى ايدنا
ساعدنا
دى مهما الموجه تتعافى
بالعزم ساعة جماعه
و بالأنصاف نخطيها
مصر يمه يا سفينه
مهما كان البحر عاتى
فلاحينك ملاحينك
يزعقو للريح يواتى
اللى ع الدفه صنايعى
و اللى ع المجداف زناتى
و اللى فوق الصارى كاتب
كل ماضى و كل آتى
عقدتين و التالته تابته
تركبى الموجه العفيه
توصلى بر السلامه
معجبانيه و صبيه
يا بهيه
و يعود كلامنا ف سلامنا يطوف ع الصحبه حلوانى
عصفور محنى يغنى
ع الافراح و من تانى
يرمى دى الغناوى تقاوى
تبوس الارض
تتحنا
تفرح
و تطرح
و تسرح
و ترجع تانى تتغنا
اللى بنى مصر كان فى الاصل حلوانى
Lirik lagu lainnya:
- lirik lagu sunshine christo - mole holes
- lirik lagu june henry - puddle jumper
- lirik lagu jack beam - father knows best
- lirik lagu .nemo (lilnemo) - notice freestyle
- lirik lagu ron sexsmith - when love pans out
- lirik lagu oggi 4uattro - murdeira
- lirik lagu 上戸彩 (aya ueto) - 贈る言葉 (okuru kotoba) - single version
- lirik lagu hopeimalive, 2kunicorn - heavy things
- lirik lagu chagrin d'amour - fais le waou waou
- lirik lagu moose (grc) - ya ya