lirik lagu naili نايلي - il était là
ياه مادام فيه أمل فيه حياة
[اللازمة]
…نا نا نا حبيبي حبيبي
[المقطع الأول]
هاذي حكاية كيما قاع الحكايات
فيها الحزن فيها الحب و فيها شكايات
عايشة في قلبي مكتوبة عالكايات
عقلي ولّى خزنة و عينيا ولاّو مرايات
ماش الكلام تاع الي فات مات
أنسى شغل قدام و لي جاك جاك
لي راه ينسّيني و يصبّرني علّي فات
هذا كلام قوله للصغار هذا كلام دعايات
خاطر الجرح يبقى حي مادامني حي و عيني
تشوف الحاضر مرّ أكثر من الماضي
بصّح ربّي ما حطنيش عالعباد قاضي
بصّح عندي الحق باه نقول بلّي ما رانيش راضي
بلّي عذابي راه دخلاني و خلاّني نمون حزين
بلّي نهار لي هجرني حسّيت روحي كي اليتيم
من ذيك الساعة راني نحوّس عليه في كل عين
غيابو خلاّني نغمي الريشة و نكتب بالسّكين
[اللازمة]
[المقطع الثاني]
كي كان حاضر كنت داير في المستقبل ثقة
البسمة كانت ما تخطينيش حتى دقيقة
كي كان يغيب كان يرجع خفيف مع شوية موسيقى
النية صافية كانت كاينة الأمل كان حقيقة
تسقسيني و تقلّي وكتاه راه راح؟
نقلّك فقت بغيابو ياو نهار هكا من الصباح
شمس جديدة طلعت و القمر راه طاح
في الراجل وليت جا الطفل لي كنت راح
سنين الحليب خلاو بلاصتهم للشلاقم
قالك الدنيا تحكم الزوالي و الفوق كاين القماقم
تحب ولاّ تكره خاطر كاين المحكوم و كاين الحاكم
غدوة كي يسقسوك ولادك قلهم الزهر نساكم
فهموني مليح بلّي مارانيش المخيّر
مكتوب عليه الجهل و أنا نبقى مزيّر
وين راه شريكي ؟ راني تايه و عليه ندوّر
بين طريق الصواب و طريق الشيطان ما عرفتش نخيّر
[اللازمة]
[المقطع الثالث]
في غيابو كاين لي قطع لياس و كاين لي تهوّر
كابن لي فهم و لي قنع و كاين لي دوّر
نشوف القدّام مرّات مظلّم مرات منوّر
أيام نصبر و أيام الماضي نتصوّر
يجي كل ليلة في المنام و كل صبحة يغيب
هاذي هي الدنيا و سلاكها ياو صعيب
و حتى إذا كان عليا بعيد في قلبي راه قريب
مادامني حي ياو نستنّى حتى الشيب
[خرجة]
تعرف أنا عندي الأمل كيما أوراق الشجر لي تطير في الخريف
كي ينسف ريح الزمان و نقطع لياس
نبداو نقولو بلّي البارح فيه الخير
بصّح كي يوصل الحزن للقمة قلبي يشعل و نقول نستنى الربيع
خاطر الأمل مهما كان عمرو ما يضيع
نحتاجو ، نحتاجو باه نكمّل الطريق و لازم نخليه ميراث قبل الوداع
Lirik lagu lainnya:
- lirik lagu viento y sol - callada
- lirik lagu владфос (vladfos) - должен (debt)
- lirik lagu piezas, jayder & dj hem - freestyle 2
- lirik lagu mike dreams - dreamers only
- lirik lagu rupaul - lady cowboy
- lirik lagu longshot the rapper - all good and all shit (silk pillow freestyle)
- lirik lagu hanne kolstø - we don´t see ourselves
- lirik lagu dúné - time to leave
- lirik lagu le pie - when we talk
- lirik lagu mro (vbt) - vs. rhaigo - [32stel-finale - vbt elite 2016]