lirik lagu muslim feat. dj van - lghoul
رد البال لايغرك مظهر او كلامو المعسول
لا دوخ بللي باين حيت لي كاين فالمجهول
بين الضحايا ديالو كيف الملاك ادور إيجول
شكون كان اقول باللي الملاك فالحقيقة غول؟
عندو مافيا كبيرة البيع والشرا فرواح الناس
قلبو ميت عندو بنادم كيف الجغمة فالكاس
بلا متسقسي وش بالليل يمكن يجيه النعاس
عايش حياتو عادي والمجتمع شايفو كاف
يفضح فالمساكن ، يشرب فدمهم بلا عفة بلا رحمة
فالفيلة ساكن ديماً راكب على حديدة مضخمة
فاميليا ديالو و هما عندها سمعة محترمة
ما على بالها بلي بلحم الناس تربى لحما
باقي الغول كا ياكل حيت كل ماكلا عمرو لا شبع
ضمير نتاحر حيت فدنوبو غرق مبقاش يسمع
الشيطان يزينلو ويبين لو باش يزيد يطمع
الغول كي مضي نيابو باش فالجريمة يبدع
شووف كيف الناس تاكل ناس ونساو الدنيا فانيا
علاش العيون القلوب دالناس ولات عمياء
شحال من غوول باقي مخابي ورا قناع إنسان
شحاال من غوول عايش بيننا و كنعرفوه مزيان
شحاال من غوول باقي مخبي فلانة ولا فلان
شحاال من غوول بينا شحااال من غوول بان
رد البال لايغرك مظهر او كلام المعسول
شحال من غوول عايش بيننا و كنعرفوه مزياان
شحال من غوول باقي مخبي فلانة ولا فلان
غاتصدم يا إنسان ملي الغول يبان
الغوول مضّى نيابوا ولا فالإجرام فنان
راسم بالدم قصوور فوق جبال الأحزان
باع وشرا مع إبليس ما بقات غير صفة انسان
ليبغى يفهم حقيقة الدنيا يصاحب خياط الكفن
بنادم ضاع تلف ، الدنيا غير زواق
خلق، كبر وشرف ، قليل فينا إلي عاق
باللي الحياة كدابة وخانت كل من كان عشاق
نساتو كيف ما كتنسي الموت علينا حق
حكايت الغول تبقى عبرة نلي عماه المال
انسان طماع ، شيطان كداب والكدبة غتدبل
ملي بان الحق يفضح الباطل شحال ما زمانو طال
وطول ما حنا فالدنيا إبليس ما هدالو بال
سمع للكلام يا بنادم لا تسقي الفرحة بالدموع
ظلم الناس طريق مضلمة و ما منها رجوع
يا المسكين لا ضن باللي صوتك ما مسموع
شحال ما ظلام الليل الخير جاي بالشموع
شووف كيف الناس تاكل ناس ونساو الدنيا فانيا
علاش العيون القلوب دالناس ولات عمياء
شحال من غوول باقي مخابي ورا قناع إنسان
شحاال من غوول عايش بيننا و كنعرفوه مزيان
شحاال من غوول باقي مخبي فلانة ولا فلان
شحاال من غوول بينا شحااال من غوول بان
رد البال لايغرك مظهر او كلام المعسول
شحال من غوول عايش بيننا و كنعرفوه مزياان
شحال من غوول باقي مخبي فلانة ولا فلان
غاتصدم يا إنسان ملي الغول يبان
Lirik lagu lainnya:
- lirik lagu angela bofill - i do love you
- lirik lagu optimal decay - swell
- lirik lagu jojo siwa - boomerang
- lirik lagu amalee - god knows (the melancholy of haruhi suzumiya)
- lirik lagu angus maude - no good
- lirik lagu 張磊 - 電視劇《檸檬初上》插曲
- lirik lagu dm galaxy feat. q'aila - our weapons (feat. q'aila)
- lirik lagu ian anderson - the engineer
- lirik lagu fil bo riva - like eye did
- lirik lagu pentatonix - rose gold