lirik lagu muslim مـسـلـم - l'marhoum | المرحوم
تم شرح و إضافة هذه الكلمات عن طريق الفريق العربي لموقع راب جينيوس ، انضموا إلى صفحتنا في الفايسبوك من هنا
[المقطع الأول]
كان باقي بكري ملي مشيتي وخليتيني صغيـــــر
مشيتي على غفلة وخليتيلي فقلبي حزن كبيــر
مشيتي بالزربة حيت ربي كتبلك عمر قصيـــر
مشيتي دغيا وخليتيني نتساءل ونحير
بقيت غير جالس فالدارنتسنا ؛ ما فاهم والـــو
يما رجعات بوحدا بلا بيك ؛ ودموعا سالـــــو
شافتلي فعيني ؛ وقالتلي آولدي بابـاك مـــات
فمي تكوانسا تقهرت ؛ واختي الصغيرة بكــات
عقلي كان باقي صغير ؛ ما استوعبشي المعنى د الموت
كانشوف ناس غراب يبكيو ؛ و يمسحو دموع الخـــوت
كانشوف الباب مفتوح ؛ كانقول مع بالي دابا تفوت
كانشوفك فكل بيوت ؛ كنشوفك فكل قنوت
باقي عاقل كيف عمرت الدار بكا و نواح
عيون بكات من القلب؛ و عيون بكات دموع التمساح
و دغيا كلشي تقلب ؛ أحزان ولات أفراح
فحال لي صافي بكينا ؛ و الدموع براو الأجراح
[اللازمة](x2)
فاتو ايام و شهور ؛ و فاتو شحال من سنـين
ذكريات بقات في البال بــــــــراكـــــــــــــــــــــين
يمكن الدموع نساو ملي نساتك العــــــــــــين
لكن القلب مجروح؛ و باقي عليك حزيــــــــــــــــــن
[المقطع الثاني]
مشيتي من حياتي قبل ما ندرك نعرفك شكون تكون
مشيتي قبل ما ندركك ؛ نكبر ونشوفو بنفس اللون
مشيتي و أنا بقيت فذكريات الطفولة مسجون
مشيتي و أنا بقيت عندي غير الظنون
كانظن كنتي مكافح ؛ كانظن كنتي صبار
كانظن حيت كنتي راجل ؛ بقينا مستورين فالدار
كانظن هادشي لي كانظن عاودوه لي خوتي و الحباب
كانظن بلي كانشبهليك ؛ يعني كنتي مهياب
فراغ لي خليتيه فحياتي كل نهار يكبر
نهار على نهار ؛ نفهم لغز و يبان لي سِّر
كلما فاتو سنين ؛ كل ما تمنيت تكون قريب
كلما شرقت شمس كا نحوقك ملي تغيب
كل لحظة فحياتي خليتي موطعك فيها خاوي
خليتي القلب مجروح ؛ جراح و لا دموع تداوي
ذكريات عطشانة و بوحدك كنتي الراوي
كلما زدت كبرت كلما عرفتك شنو ساوي
[اللازمة](x2)
فاتو ايام و شهور ؛ و فاتو شحال من سنـين
ذكريات بقات في البال بــــــــراكـــــــــــــــــــــين
يمكن الدموع نساو ملي نساتك العــــــــــــين
لكن القلب مجروح؛ و باقي عليك حزيــــــــــــــــــن
[المقطع الثالث]
واخا ليام جرات و سنين مور بعطا تدبـال
عمرك غرقتي فبحر النسيان ؛ بقيتي فالبــال
بقيتي فالماضي حاضر و بنيتلك فيه تمثـال
حيت كلمة الأب ماشي غير كلمة تتقـــال
يمكن مشيتي بلا ما رجعتي لور و لو خطــوة
خاليتي حياتي كتاب و الصفحة ديالك عمرا تطوا
و كتبتي فيها بلي مشيتي بكري بلا ما تنـــوا
كبرتي فعيني كل ما زدت نضجت؛ و بقيتي قـدوة
كانتمنا تكون مفتاخر بيا و نكون عند حسن الظن
ملي يشكروني الناس و يقولوا هذاك ولد فـلان
و سماحلي اذا بسبابي ذكرك بالشر لسان
و اذا قسرت فحقك حيت أنا غير انسان
هذي هي الدنيا ؛ و هذي سنة الحياة
كـــلشي فيـــنا يـــموت الا الــــذكــريـات
ورود ليوم كيف ورود البارح غذا تدبــال
حيت الحاضر هو الماضي في المستقبل
[اللازمة](x4)
فاتو ايام و شهور ؛ و فاتو شحال من سنـين
ذكريات بقات في البال بــــــــراكـــــــــــــــــــــين
يمكن الدموع نساو ملي نساتك العــــــــــــين
لكن القلب مجروح؛ و باقي عليك حزيــــــــــــــــــن
Lirik lagu lainnya:
- lirik lagu david byrne - [nothin but] flowers
- lirik lagu the darts - zing went the strings of my heart
- lirik lagu the disco biscuits - world is spinning
- lirik lagu ness lee - quest of life
- lirik lagu bodi - moros
- lirik lagu levi niha - take a minute
- lirik lagu big k.r.i.t. - keep it movin'
- lirik lagu guru - come clean
- lirik lagu avereaux - playtime (intro)
- lirik lagu chazz valentine - generation y