lirik lagu mosalem - mo7areb
ممنون السنة دي
إكتشفت إن مش أنا إللي كنت مجنون السنة دي
خمس سنين من الزمن فاكرين بردو لسه بادي
لسه إحنا بنرمي الشبك جايز مردوده السنة دي
بكرة نتعشى سمك إعزم هات سفرة و كراسي
معاك ليستة أسامي وقفت ساعدونا في سلامي
فقرات كانت مش مضبوطة كانوا غضروفي و عكازي
أفكار إحباط مخلوطة بصبر مندوب للمآسي
كنت مشطوب من حياتي بحدف الطوب في المرايا
إزاز مكسور عالأرض عارف و بدوس و أنا حافي عبي من دمي في چراكن
موسالم سلحفاة و الكون ده مردوم بالأرانب
سبرينتاتكم مش هطول أما تشوفني في أبعد مسافة
عداء في ماراثون عدادكوا مقلوب مالبداية
موسالم مارادونا و انت مطرود إيه الحكاية ليه بتستهبل؟
عبيط بيقولك أرضه
موسالم باتيستوتا و انت مصطنع ريڤالدو مش هتطول
الحق بيبان
في أول سكتي و انت جنبي و هتموت مالإجهاد
ده الفرق بنا
نفسي طويل شايفني و أنا بعديك سنة سنة
sayonara
إبقى جيلنا
au revoire
لكل ذرة أمل كاذب خدته منك
goodbye
لأي شك إني مش حاسب كلمة كلمة و أنا بكتبها
الحبر مسئولية
سلام
ده أكتر شيء دعيت ربنا يبقى ليا
و إستجاب
عمره ما سابني
ربنا و كل آمالي و كل أحلامي جنبي
ببيع في سلع ألماني أمي إديتهاني بدري
ماشينها كدا بالتالي بوصلة إحساسي حدسي
بس الذاكرة حبساني بدعي نسياني يأتي
بروح ساكنة حمياني سم في كياني مادي
راكب باخرة و إبحاري تحت الكباري فادني
نفسك عاهرة للآتي مال و نفوذ فبدعي
بصحوة باكرة تملاني بحكمة متروكة لإبني
حرب كانت مضبوطة لإسمي
ماكنتش داخلة مشكلة بس الظروف قالتلي
إن دي معضلة موترة بنت قبور لعيلتي
ألوان داكنة في مخنا في أكتر هدوء كالتني
فرض من فروض مسيرتي
حرر قلوب مدينتي
وقف هنا حربنا يا تموت يا أنا أموت و تمشي
خدعة فاخرة ممكنة إستحالة أlose مكانتي
مخك لو خسر (“ممكنة”) روحك موجودة يابني
جسمك يتكسر (“مشكلة”) ميكسروش عزيمتي
مباديء كدا قالتلنا لو فكروك بخيبتي
مضارع هنا إثبتلنا مهما تروح و تجري
ترجع هنا عندنا أصلك إنت أصول مش empty
دقت طبول هزيمتي
ألف و أسطول ده ضدي
فرص الفوز خانتني كدا زي ما تقول تحدي
خلي الملفوظ ده يكسب
قبلة الموت و خدي
بالأربع ألوان دي مكسي
أقرب مالروح لقلبي
شهيد أو منصور ده مكسب
روحت البيت
نمت و لما إرتحت نسيت
لبست نزلت أتفرج فين
أمي تعبت ربت فيك
كان الpain متسلط زي
شمس ليه بصالنا بكيد
عارف إنك فطسان هتسيب
جنة تروح لشيطان مسكين
انت تشوف في الضلمة كتير
زي القط
تصطاد بالليل
اللعنة سابت جيلي
محرمتش منها
التغيير ده بعد أما اتكسرت
مش سنة سنة
نصك بكرة يسكن قصر و كل حتة منك راحت مع الحب كان لازم تخسرها عشان تجيلنا
عمر ما ندمنا
الجوع أدبنا
مهما كان من دموع قدمنا
قدمت الحدوتة لإبنك جدد مش كليلة و دمنة
إبن لا و بطوطة لعلمك
أمي التانية أكيد ربتنا
ماسبتش بيتي كتير قاعدنلك
في التفكير رحالة في ذهنك
مؤمن بالقسمة
راضي بالمكتوب أما إستسلمنا
جلدك و النسمة
إحساس مش مفهوم بطريقة لجسمك
إنطق فهمنا
بسلام محسوب إطلع بالحسبة
محسوبك أما إحتضر فهم القصة
ملعون ده له مالحظ حصة
إكتب شخبط من غير أستيكة
الناس الfake بتبان فابريكة
الأسود now قدام مزيكا
الwoke سيبناه لكلاب أمريكا
و بكرة زي ما تيجي تيجي حلمنا و ده عايشين حقيقة
في نعمة في يوم حلمنا بيها
أما العروق دي كانت بريئة
قبل الحريقة
قبل ما القلب يعيش أيام مريرة
قبل المسيرة
فوق فحم خلى قعر قدام سميكة
قبل المدينة
حلم في كابوس
عيوب في ميزة
tinفي سبيكة
مش معنى إن كل العيوب دي فيها تقوم راميها
شوائب تقويها عيوب في عيون قلوب خبيثة
الجهل يسود ده في الوجود خلى السجود غريزة
تمن مخاخ بريزة
خلى تمن مخ الموزون دا زي أحجار ثمينة
ربك يعينك
موحود طول مالمجهود يفيدك
دي الحقيقة
محدش هيعيش و يموت حبيبك
عدلك بإيدك
حق المظلوم ده تدعي في يوم تشوف شغلك يجيلك
نجاح مش انتقام رجعت صوت أمك يدعيلك
قلبك يleadاك
نزلت مشيت كل الشموس دفت جبينك
يابن اللذين
كان كل ما تحت أنفك يهيلك
سبت المدينة و مشيت و في يوم ما أعود إليها قدر ما فيها
يا رب منساش سعر السكينة
قولوا آمين
Lirik lagu lainnya:
- lirik lagu mamani keita - djekafo
- lirik lagu sunshine christo - man or the bear?
- lirik lagu £lamingtesor£ - let 'em hang
- lirik lagu fadel chaker - maool
- lirik lagu elena vasova - prijatel/пријател
- lirik lagu chopper de kid - madiba
- lirik lagu ansar alee - chup chap
- lirik lagu billy ray charles - bright days ahead
- lirik lagu william hut - black
- lirik lagu crash hero - anenome