a b c d e f g h i j k l m n o p q r s t u v w x y z 0 1 2 3 4 5 6 7 8 9 #

lirik lagu mared - مارد - samo fein? - سامو فين؟

‫[المقدمة]
‫الـsound music ديه يا مارد
مش فاهم، لا أنا بسأل
إنت كده راضيت ضميرك
مش فاهم السؤال
إيه، السؤال ده إللي هطبقه
‫dj أحمد يونس ريميكس

‫[المقطع الأول]
أه، بحب بابا وماما
ما بحبش الدراسة
ما بحبش أي حاجة بتيجي عافية أو وراثة
نفسي أحمي راسي مـ الصلع الوراثي
مش عايز أتكلم تاني في حاجة بجد مش إختصاصي
بكره الناس الرايقة
بحب الناس الفايقة
بكره إدعاء الأخلاق يا ولاد المضايقة
بكره الخِناق، بكره السبانخ
بكره الشباب إللي دايماً ماشية تبالغ
في هِرمون الذكورة والشبحنة
وهما بجد يا اسطى بجد ولاد أمبارح
بكره الأطفال بس بحب أيام الطفولة
بحب أي حد قالي ممكن ناخد صورة
وبحب أي حد كان بيصيف في المعمورة
‫أه، (مش عارف ليه؟ بس هو البار لِه معنى بالنسبالي)
بحب السهولة والمرعقة والرجولة والمجدعة
والجونة والغردقة وإن وجودك مش منفعة
ورغبة في الوصول لأجل الأصول ديه مش همنعك
‫وحابب إنك عارف إنك محروم وبتوجعك (أي)
بكره الجري فوق السرعة
‫بكره إللي بيكسب بس عن طريق القُرعة (حظ)
‫بكره المُقدم، بحب جروب الدُفعة (بكرهم)
‫‫ما بحبش إللي بيرمي كلمة بحب إللي بيلقُفها (قلبي)
‫أنا مش عايز أضُرك بس مش عارف أفيدك (لأ)
بكره التونة بس مش عشان عنيدة (ما أعرفش ليه؟)
‫بحب اللوليتا بكره إللي دايماً لازم يقول حاجة مٌفيدة (ده إنت بضا—)

‫[اللازمة: ‫مارد و يونيو‫]
‫‫‫بتحب مين؟
أنا ثم أنا ثم أنا‫
‫‫‫‫‫بتكره مين؟
‫أي حد ما حبنيش زي ما أنا
‫‫‫‫طب إيه الجديد؟
‫ما فيش جديد زي ما إنتَ شايف
‫‫‫‫طب إيه يا شقيق؟
‫عايز أكمل بس خايف
‫‫‫بتحب مين؟
أنا ثم أنا ثم أنا‫
‫‫‫‫بتكره مين؟
‫أي حد ما حبنيش زي ما أنا
‫‫‫طب إيه الجديد؟
‫ما فيش جديد زي ما إنتَ شايف
‫‫‫طب إيه يا شقيق؟
‫عايز أكمل بس خايف
‫
‫[فاصل: ‫مارد و يونيو‫]
‫‫لا يا عم قول عادي
لأ فيها يا أسطى
خُد بالك، خُد بالك
إحنا محتاجين، محتاجين حد يا أحمد يجاوبنا ع الموضوع

‫[المقطع الثاني]
بكره الطريق بالذات لو دائري
‫بكره إني مش لاقي سلامي الداخلي
بكره إن قلبي نصه جدع، سابني وجري
بكره إن أي حاجة كُنت عايزها سِعرها غِلي
فبقول مش عايزها أو يمكن مش محتاجها
عشان كده بكره السوشي ومش بحب الماتشا
مش بحب أشوف ماتشات بس بحب دوشة القهوة
ما بحبش أي حد بياخد قرارات مُفاجأة
‫بحب المهندسين، بكره خريجي الهندسة (أخواتي)
‫بحب بنات الجامعة وبكره أيام المدرسة (زفت)
‫مش بحترم أي حد قرر يعمل local brand
‫‫وما فيش أي حاجة في لِبسه بجد مُميزة (بجد والله)
‫ما بحبش أطلب أكل لو مش هطلب كومبو لارچ
‫‫مش بحب الناس إللي بتشوفف أفلام وما تتأثرش (فيه حاجة صوتها غريبة يا أسطى)
‫مش بحترم أي حد قرر يعمل عيد ميلاد
‫وقام عَزمنا كلنا في كافية بـminimum charge
بكره إن الحب جالي بس من أول نظرة
‫بحب فيلم الناظر وإنه ما كنش فيلم الناظرة
بحب محمود صلاح ونظرية المؤامرة
ما بحبش إللي بيقول نٌكتة وبعدين يوضحها
‫بكره إني بحب واحدة ومش عارف أكرهها
‫بحب أروَح بدري، ما بحبش أروُح متأخر
ما بحبش العيال إللي بتزوغ من المحاضرة
‫بصراحة (أنا خايف)
‫أه، نفسي ألاقي موقف يتسمع فيه سامو زين
نفسي أعرف مستر بين ودا ودانه فين
‫نفسي أقول لأي حد بيراب كلامه fake
‫وإن معظم الشباب ديه مش فرقاله نيـ—
‫[اللازمة: ‫مارد و يونيو‫]
‫‫‫بتحب مين؟
أنا ثم أنا ثم أنا‫
‫‫‫‫‫بتكره مين؟
‫أي حد ما حبنيش زي ما أنا
‫‫‫‫طب إيه الجديد؟
‫ما فيش جديد زي ما إنتَ شايف
‫‫‫‫طب إيه يا شقيق؟
‫عايز أكمل بس خايف
‫‫‫بتحب مين؟
أنا ثم أنا ثم أنا‫
‫‫‫‫بتكره مين؟
‫أي حد ما حبنيش زي ما أنا
‫‫‫طب إيه الجديد؟
‫ما فيش جديد زي ما إنتَ شايف
‫‫‫طب إيه يا شقيق؟
‫عايز أكمل بس خايف

- lirik lagu mared مارد

Lirik lagu lainnya:

LIRIK YANG LAGI HITS MINGGU INI