lirik lagu ewan maccoll – a braw wooer
last may, a braw wooer cam doun the lang glen,
and sair wi’ his love he did deave me;
i said, there was naething i hated like men-
the deuce gae wi’m, to believe me, believe me;
the deuce gae wi’m to believe me.
he spak o’ the darts in my bonie black e’en,
and vow’d for my love he was diein,
i said, he might die when he liked for jean-
the lord forgie me for liein, for liein;
the lord forgie me for liein!
a weel-stocked mailen, himsel’ for the laird,
and marriage aff-hand, were his proffers;
i never loot on that i kenn’d it, or car’d;
but thought i might hae waur offers, waur offers;
but thought i might hae waur offers.
but what wad ye think?-in a fortnight or less-
the deil tak his taste to gae near her!
he up the gate-slack to my black cousin, bess-
guess ye how, the jad! i could bear her, could bear her;
guess ye how, the jad! i could bear her.
but a’ the niest week, as i petted wi’ care,
i gaed to the tryst o’ dalgarnock;
but wha but my fine fickle wooer was there,
i glowr’d as i’d seen a warlock, a warlock,
i glowr’d as i’d seen a warlock.
but owre my left shouther i gae him a blink,
lest neibours might say i was saucy;
my wooer he caper’d as he’d been in drink,
and vow’d i was his dear l-ssie, dear l-ssie,
and vow’d i was his dear l-ssie.
i spier’d for my cousin fu’ couthy and sweet,
gin she had recover’d her hearin’,
and how her new shoon fit her auld schachl’t feet,
but heavens! how he fell a swearin, a swearin,
but heavens! how he fell a swearin.
he begged, for gudesake, i wad be his wife,
or else i wad k!ll him wi’ sorrow;
so e’en to preserve the poor body in life,
i think i maun wed him to-morrow, to-morrow;
i think i maun wed him to-morrow.
Lirik lagu lainnya:
- lirik lagu surrenderdorothy – dropeverything
- lirik lagu sedef ergin – bandıra bandıra
- lirik lagu tigerberry & haunt you – get out
- lirik lagu b.the great – the boy with black veins
- lirik lagu quicksand – feels like a weight has been lifted
- lirik lagu flavio bautista – smoke & mirrors
- lirik lagu massface – black water
- lirik lagu sobre mis caídas – golpe de realidad
- lirik lagu jay sean – emergency
- lirik lagu 甜約翰 sweet john – dear