lirik lagu angelo branduardi – a l’entrada del temps clar
a l’entrada del temps clar, eya
per jòia recomençar, eya
e per jelòs irritar, eya
vòl la regina mostrar
qu’el’es si amorosa
a la vi’, a la via, jelòs,
laissatz nos, laissatz nos
balar entre nos, entre nos.
el’ a fait pertot mandar, eya
non sia jusqu’a la mar, eya
piucela ni bachalar, eya
que tuit non vengan dançar
en la dansa joiosa.
a la vi’, a la via, jelòs,
laissatz nos, laissatz nos
balar entre nos, entre nos.
lo reis i ven d’autra part, eya
per la dança destorbar, eya
que el es en cremetar, eya
que òm no li vòlh emblar
la regin’ aurilhosa.
a la vi’, a la via, jelòs,
laissatz nos, laissatz nos
balar entre nos, entre nos.
mais per nïent lo vòl far, eya
qu’ela n’a sonh de vielhart, eya
mais d’un leugièr bachalar, eya
qui ben sapcha solaçar
la dòmna saborosa.
a la vi’, a la via, jelòs,
laissatz nos, laissatz nos
balar entre nos, entre nos.
qui donc la vezés dançar, eya
e son gent còrs deportar, eya
ben pògra dir de vertat, eya
qu’el mont non aja sa par
la regina joiosa.
a la vi’, a la via, jelòs,
laissatz nos, laissatz nos
balar entre nos, entre nos
Lirik lagu lainnya:
- lirik lagu zac brown band – i shall be released (live)
- lirik lagu sam roberts – my love is freeing
- lirik lagu miss caffeina – ley de imposibilidad del fenomeno
- lirik lagu yello – si senior the hairy grill
- lirik lagu ft tom foolery 2 chainz pusha t fast life bangladesh – buy (ft. tom foolery, 2 chainz, pusha t & fast life) – bangladesh
- lirik lagu unguided – eye of the thylacine
- lirik lagu raihan – untuk mu palestin
- lirik lagu unisonic – unisonic
- lirik lagu hall oates – what’s gonna happen to us
- lirik lagu dave matthews band – anyone seen the bridge? (live)