lirik lagu lament for the makers by william dunbar - john laurie
i that in heill wes and gladnes
am trublit now with gret seiknes
and feblit with infermite;
timor mortis conturbat me
our plesance heir is all vane glory
this fals warld is bot transitory
the flesche is brukle, the fend is sle;
timor mortis conturbat me
the stait of man dois change and vary
now sound, now seik, now blith, now sary
now dansand mery, now like to dee;
timor mortis conturbat me
no stait in erd heir standis sickir;
as with the wynd wavis the wickir
wavis this warldis vanite
timor mortis conturbat me
on to the ded gois all estatis
princis, prelotis, and potestatis
baith riche and pur of al degre;
timor mortis conturbat me
he takis the knychtis in to feild
anarmit under helme and scheild;
victour he is at all mellie;
timor mortis conturbat me
that strang unmercifull tyrand
takis, on the moderis breist sowkand
the bab full of benignite;
timor mortis conturbat me
he takis the campion in the stour
the capitane closit in the tour
the lady in bour full of bewte;
timor mortis conturbat me
he sparis no lord for his piscence
na clerk for his intelligence;
his awfull strak may no man fle;
timor mortis conturbat me
art~magicianis, and astrologgis
rethoris, logicianis, and theologgis
thame helpis no conclusionis sle;
timor mortis conturbat me
in medicyne the most practicianis
lechis, surrigianis, and phisicianis
thame self fra ded may not supple;
timor mortis conturbat me
i se that makaris amang the laif
playis heir ther pageant, syne gois to graif;
sparit is nocht ther faculte;
timor mortis conturbat me
he hes done petuously devour
the n0ble chaucer, of makaris flour
the monk of bery, and gower, all thre;
timor mortis conturbat me
the gude syr hew of eglintoun
and eik heryot, and wyntoun
he hes tane out of this c~ntre;
timor mortis conturbat me
that scorpion fell hes done infek
maister johne clerk, and jame afflek
fra balat making and tragidie;
timor mortis conturbat me
holland and barbour he hes berevit;
allace! that he nocht with us levit
schir mungo lokert of the le;
timor mortis conturbat me
clerk of tranent eik he has tane
that maid the anteris of gawane;
schir gilbert hay endit hes he;
timor mortis conturbat me
he hes blind hary and sandy traill
slaine with his schour of mortall haill
quhilk patrik johnestoun myght nocht fle;
timor mortis conturbat me
he hes reft merseir his endite
that did in luf so lifly write
so schort, so quyk, of sentence hie;
timor mortis conturbat me
he hes tane roull of aberdene
and gentill roull of corstorphin;
two bettir fallowis did no man se;
timor mortis conturbat me
in dumfermelyne he hes done roune
with maister robert henrisoun;
schir johne the ros enbrast hes he;
timor mortis conturbat me
and he hes now tane, last of aw
gud gentill stobo and quintyne schaw
of quham all wichtis hes pete:
timor mortis conturbat me
gud maister walter kennedy
in poynt of dede lyis veraly
gret reuth it wer that so suld be;
timor mortis conturbat me
sen he hes all my brether tane
he will nocht lat me lif alane
on forse i man his nyxt pray be;
timor mortis conturbat me
sen for the deid remeid is none
best is that we for dede dispone
eftir our deid that lif may we;
timor mortis conturbat me
Lirik lagu lainnya:
- lirik lagu take 1 - real talk
- lirik lagu time moving fast! - ticklemon$ta
- lirik lagu skit - anıl k.y
- lirik lagu в кабаке (in the pub) - andrenalin
- lirik lagu вдвоём (together) - kryak, фрэндли (frendli) & rashe
- lirik lagu now im up! - lyretrix & vee4r
- lirik lagu old time love - wendy waldman
- lirik lagu leave no trace of human life - federal death alliance
- lirik lagu crazy people - nourished by time
- lirik lagu quieres tú bailar? (do you want to dance) - attaque 77