a b c d e f g h i j k l m n o p q r s t u v w x y z 0 1 2 3 4 5 6 7 8 9 #

lirik lagu l7or الحر - lghrib | الغريب

[paroles de l7or “lghrib”]

[اللازمة]
خليو دموعي راكدة حتى نكون فقبري وعلى خدي تهبط باردة
القلب قصاح والكبدة جامدة نتوما سبابي ادا وليت هاكدا
خليو دموعي راكدة حتى نكون فقبري وعلى خدي تهبط باردة
القلب قصاح والكبدة جامدة نتوما سبابي ادا وليت هاكدا

[المقطع الأول]
كيقولو فشكل ما نرضى بالذل ما مني كوبيا
موسوس من التيقة عندي فوبيا
عندي كارطة فآيفون جوج فنوكيا
والنماري ديال صحاب المصالح باقا مبلوكية
المورال عالي والواليدة راضية
والخوانة كيستناو نطيح بضربة قاضية
مانسيش الماضي، والضرابي لي ماضية
قلبي بحر يهيج وعقلي وديانُ هادية
يام كانوا كيشوفوني بشوفة ناقصة
ولي بغيتها ماكنتش بيا حاسة
كانت كتستنى حديد وديور
وانا كانستنى تزول القهرة لي حابسها
وغريب ماشي فحال كولشي
وبزاف فيهم كان مفهمشي
بلي را عانيت وفحالي ما صبروش
تبسمت ملي تسناوني تفزگ رموشي
وحاس غنتخان ما عارف من شكون
من عتبة مرشوشة اولا من شي فخ مخزون
من الغراب لي بان حمامة وبدل غير اللون
اولا من الحمامة لي علموها كيف تخون

[المقطع الثاني ]
خياب الحال ياما، القلوب ضالمة
وليت باغي نموت غير موتة محتارمة
ولاجات فيا متخفيش عليا ياما
غيتشفاو كتر ادا شافوك مألمة
كل واحد فينا باش مضروب وكيفاش معطوب
كل واحد والطريقة ديالو كيفاش كيخبي الندوب
شحال ضحكو معانا فاتونا وهبطو الدموع
وشحال بكينا ويمكن حسو بينا غير الشموع
يالي حزين فحالي واش كظن يشفقو الناس
كولشي كيفكر فراسو وحاط مصلاحتو فأعلى كلاص
مكيشفوش القلب كيشوفو غير اللباس
غتقولهم ولد الناس وهوما بغاو لي لباس
وباقي كنحسب شحال من واحد واعد وخلف
جرحني مزيان وخلاني ننزف
هزيتو فضهري وعضني من الكتاف
شكون باغي يزيد كتر ومن همومي يقطف
من همومي، منك يا الفرحة لي موحال واش دومي
من الكوابيس لي كنشوفها فنومي، واش مرتاحة دابا يا النفوس لي تلومي ؟

- lirik lagu l7or الحر

Lirik lagu lainnya:

LIRIK YANG LAGI HITS MINGGU INI