lirik lagu köster & hocker - hausfreund hein & die hillije jeiss
hausfreund hein wor metzjer
hä hatt rude backe, wor flächendeckend joot jebaut un fröndlich
die piercings en singe brustwarze soochen us wie jästehandtuchhalter
eijentlich wollt hä anästhesist weede, ävver et kohm wie et kohm
die hillije jeiss hatt dä ökolade jäjenövver. se hatt ne texanische vatter
un en veganische mutter. se wor jet blass ävver tiefhübsch. eijentlich wollt se wetterkartendesignerin weede, ävver wie et manchmol su kütt, ne?
die zwei troofen sich immer heimlich
hausfreund hein hatt et satt. kein sou ooss noch fleisch. d’r wahnsinn
hä verstund de welt nimmieh. bestuss wore mer doch suwiesu all, da kammer doch och jet fleisch esse. un usserdäm: wor hä dann all die johr ne betrüjer jewäs?!
hä kräät e janz klei besje et ärme dier. hä moot sich jet enfalle loosse
die hillije jeiss hatt et och satt. se wor et leid, sich vun dä schwäbische tofu~mafia de preise diktiere zu loosse. dat wor für sie emotional praktisch uninteressant
wor sie dann en betrüjerin?! se kräät ein stück weit depressione
jo, un öm jet affstand ze krijje, han se dann eez ens jehierot. en las vegas. mcmarry. em auto. em kleinen kreis
als se zoröck wore, hann se ihr jeschäfte verkouf. sie waren sehr glücklich
ävver wie sollt et wiggerjonn?
foljendermaassen:
naaks han se duuve vum daach jeschosse. ävver nit met singem luffjewehr, nä nä, sondern met ihrer steinschleuder. us überzeujung. un wäje däm krach
un daachsövver däät hä die duuve schlaachte, sei däät se salopp würze un us dä knöchelche orijinal~aborigine~schmuck maache
se woren echte pachtner
tjo un dann han se e klei lädche en marienburg jepachtet un dä driss als wachtelmett verkouf. die lück stundte schlang. wie domols en d’r ddr
hausfreund hein un die hillije jeiss
un dann han se e hüüsje om land jekouf
zwei rottweiler
nüng katze
ne porsche carrera un ene twingo
kein kinder
koot drop sin se dann jestorve
em urlaub
en offenbach an der oder
mcbury
em auto
em kleinen kreis
Lirik lagu lainnya:
- lirik lagu tatum ultimatum - good vs evil
- lirik lagu daddytraxxx - gdp
- lirik lagu ocean florist - spacemen
- lirik lagu cement - crying
- lirik lagu психея (psychea) - увядание (withering)
- lirik lagu loser - another sad song
- lirik lagu édy garrido - aprenderei a suportar
- lirik lagu bekah baby - i'll wait
- lirik lagu ainars mielavs - ar siltu plaukstu
- lirik lagu edc - primiere - may