a b c d e f g h i j k l m n o p q r s t u v w x y z 0 1 2 3 4 5 6 7 8 9 #

lirik lagu hasiok - familoka

[intro]

[zwrotka 1]
w czornyj pościeli obudzioł się i najscoł do ausgusa
achim żymloczek, prosty chop, co żyje choby musioł
w ajncli mu zimno, kurzy cigaret, zaroz na plac wylezie
som przy chlywiku na koło siado, i patrzy co to bydzie
potym połazi, posznupie w hasiach, wózyk by się przydoł
kedyś boł mody, lepij mu boło, a dzisiaj potrz jako biyda
gruba zawarli dziesięć lot nazot i tak już tam niy robioł
wypadek, pedzieli, że z jego winy i tak pozostoł som sobie

[refren]
smyntnych myśli smoła
żolu tych boroków
czorno rozpocz woło
z łokiyn familoków

[zwrotka 2]
u prywaciorza potym za frajer, robioł a tyn mu niy płacioł
co dzień przeproszoł, coś obiecywoł, a potym gizd sie stracioł
achim oglondo się ino za siebie, teroz już niy za robotom
na automatach tyż już łon niy gro, niy tak jak reszta chopów
pynzyjo wziyli bo achim zdrowy, choć szłapa jedno mo krótszo
bo łod kolana, mo łon holzbajna, fest boli jak sie poruszo
szuko po szofkach co by tu zeżryć, som ino puste flaszki
skup jes otwarty jutro łod ósmyj
tyn zygor cisnom wancki
[refren]
smyntnych myśli smoła
żolu tych boroków
czorno rozpocz woło
z łokiyn familoków

[zwrotka 3]
z opieki dajom ciynki zasiłek na cigarety i piwo
siedzi przy drugim, czecim, dziewiontym i włazi zaś w ajnfart krziwo
zaś się zagodoł, jak boł bergmonem, toć go już nikt niy sucho
to boły czasy, to boło życie, niy to co terozki tukеj
ćma już na placu, siedzi bamontny tak mu tyn dziyń przeminoł
jakby tak znalyź piyńc kilo miedzi, by siе pojodło, wypiyło
wyczyścioł szoły, łoblyk sie anzug, bo mundur przedoł niestety
na eks wypioł halba, legnął na szezlong, wiedzioł, że czeski metyl

[refren]
smyntnych myśli smoła
żolu tych boroków
czorno rozpocz woło
z łokiyn familoków

- lirik lagu hasiok

Lirik lagu lainnya:

LIRIK YANG LAGI HITS MINGGU INI