lirik lagu guillaume de machaut - de toutes flours
de toutes flours n’avoit et de tous fruis
en mon vergier fors une seule rose:
gastés estois li surplus et destruis
par fortune qui durement s’opose
contre ceste douce flour
pour amatir sa coulour et s’odour
mais se cueillir la voy ou tresbuchier
autre après li ja mais avoir ne quier
mais vraiement ymaginer ne puis
que la vertus, où ma rose est enclose
viengne par toy et par tes faus conduis
ains est drois dons naturex; si suppose
que tu n’avras ja vigour
d’amanrir son pris et sa valour
lay la moy donc, qu’ailleurs n’en mon vergier
autre après li ja mais avoir ne quier
hés! fortune, qui es gouffres et puis
pour engloutir tout homme qui croire ose
ta fausse loy, où riens de bien ne truis
ne de seür, trop est decevans chose;
ton ris, ta joie, t’onnour
ne sont que plour, tristece et deshonnour
se ti faus tour font ma rose sechier
autre après li ja mais avoir ne quier
Lirik lagu lainnya:
- lirik lagu rob apollo - love cards
- lirik lagu dabin - part-time lover (crystal skies remix)
- lirik lagu jonathan edwards - have yourself a good time for me (1973)
- lirik lagu yomi - tror ikke
- lirik lagu paolo capodacqua - il pane
- lirik lagu gaby the dreamer - my question to the moon
- lirik lagu the droogettes - we don't love you
- lirik lagu niekasjor - eye contact
- lirik lagu avi snow - here now
- lirik lagu sati - le bucher de sati - sati - vi