lirik lagu ferhat - tuɣac n tmes (chants du feu et de l'eau)
siwel~ed ɣer wurar
tudrin d laɛrac
ad isel wedrar
uraw n tuɣac
wissen ma ad nedder
neɣ tuɣalin ulac
tamurt mi texser
tessewḥac
a taɛwint n ṣṣver
issallazen ulawen
azen~iyi~d levḥar
n imeṭṭawen
tamurt~iw tenḍerr
si lmut n yizmawen
avrid i teḍfer
d ijenwiyen
leḥkwem d at ičumer
dduklen~aɣ d akniwen
ttawin~aɣ ɣer temqvar
yiwen yiwen
igujilen meqqar
axxi akka d asawen
a newwet ad ten~nḥader
γef igerfiwen
siwel~ed ɣer wurar
tudrin d laɛrac
ad yecfu wedrar
γef uraw n tuɣac
wissen ad nedder
neɣ tuɣalin ulac
yibbʷ ass a d~iḥḍer
i nesseḥnac
a tuɣac n tmes
sut isefra n waman
tidett ma tumes
qsen~tt izerman
sswemt agunes
nefud am ileɣwman
ammer ad aɣ~twanes
tezgi iselman
i g ḥemlen axnunes
d wid yesseḍma leḥkwem
seg imi ara d~kren d amunnes
ar yir asirem
ixef~nneɣ anda ara yenes
ma d nekwni nessusem
i lvaṭel d ukennes
ar usedrem
siwel~ed ar wurar
tudrin d laɛrac
ad izlez wedrar
s wuraw n tuɣac
wissen ma ad nedder
neɣ tuɣalin ulac
wissen ma d~iḥḍer
i nesseḥnac
keč a yazemmur
win ẓẓaden iɣuraf
akken id~nuɣ amur
ur nemxallaf
nekwni i wumi ur teččur
lğiv~nneɣ yeselqaf
zwin~aɣ neqqur
nečča amextaf
am usafar am ujeqdur
leɣela~nnsen teseglaf
tukkerḍa teskufur
anda nerra ad tt~naf
deg~nneɣ la yettumɣer
ukennur n yal zzɛaf
ma nekker~d yiwen wugur
ur tt~id~yettaṭṭaf
siwel~ed ɣer wurar
tudrin d laɛrac
ad yezdew wedrar
s wuraw n tuɣac
asirem nedder
ayen akw i nesseḥnac
azekka ad d~ihḍer
ama nɛac
a yiṭij yerɣan
i yegan aksum aras
aql~i am win yenɣan
yewwet~it maras
ul~iw alɣuɣan
n bwasmi nettemwanas
yeqqwel d adɣaɣan
yennekras
la ssikideɣ imɣan
fessin tindert tinedert
la d~sendaqen isɣan
s wudem n tudert
azekka imenɣan
mara afgen am waḍu
d tafsut medden i vɣan
a ttaɣ anebdu
siwel~ed ɣer wurar
tudrin d laɛrac
ad yefreḥ wedrar
s wuraw n tuɣac
fell~aɣ ad iḥḍer
wass i nesseḥnac
tamurt ad tedder
ugur ulac
Lirik lagu lainnya:
- lirik lagu fraaninii - hermanos
- lirik lagu onlinewh0re - goes nowhere (cover)
- lirik lagu sansar salvo - damarlarımda (25.05.07)
- lirik lagu akhma - illusion.png
- lirik lagu yung jux - ninguém merece
- lirik lagu овсянкин (ovsyankin) - a dream within a dream / сны ч.2
- lirik lagu prse - hiatus
- lirik lagu овсянкин (ovsyankin) - x-box
- lirik lagu section 25 - knew noise
- lirik lagu myke towers - yo estaré