lirik lagu el rass - tripoli | طرابلس 97
[“كلمات الراس “طرابلس 97]
[المقطع]
ياما حكينا قصص هون وياما قصص من أوجاعنا أجلناها تما نجرح
كان فيه مظاهرة “شكرا سوريا” لما السيارات بطرابلس نزلت لخروجهم تفرح
وقفت بالصف تالزفت تفلح بشوارع كانت علينا ممنوعة من لما بنوعى
مار مارون، الاميركان، المعرض
أسماء مواقع من كوابيسنا مصنوعة
مكتب ضباط الجوية صار محل ألعاب
حسيت بوجع معدة لما مرقت حده
اختلط براسي صوت صريخ أسراه
بصوت ضحكة ابن اختي عم يلعبه جده
ننسى والعمر مين بيرده؟
شو فقسة؟ والفراغ اللي خلوه بشجر عيلنا مين بيسده؟
ولك حاج تلونوا فيه ناس بريئة ماتت هون ولسا بنسأل هيدا الدين مين بيسده
بنعرف شو يعني احتلال ببلادك إذلال عحواجز جيشين ودايما ضده
بس بتعرف مجازرنا قتلانا فيك تعدن؟
معمولنا بيوصل دي.اش.ال حول العالم بس ذكريات الماضي القريب ممنوع نمدهم
وأنا راسي حالم بده يدشن كتاب تاريخ ينصف ناسنا
نرتاح فيه كلنا مش كرامة خي الأرض شريك الوطن تعني ذلنا
بس انسى الهدف مش عتاب
وبعرف الحق مش علاك
يمكن أنت مش سئلان بتفضل تاريخ لبنان تبع باسكال مشعلاني
ويمكن فلمهم مشي عليك بس هيدي أرضك كمان
بلاها ضايع شقفة منك بحكيلك عنها نتفة بركي بقربك عليك
مرة قال لي أبو صطيف اللي عالسيكس ويل سواق
مدينتتا بحر الكل وجايي من بعلبك هواك
كان كل شي جنوب البترون نقول عنه بيروت
كنا نمجد حزب الله ونتمنى بصفوفه نموت، نستشهد
انه نساويه بالأسد اوف شو كان مستبعد
أما بعد سقط المعبد
والشي الوحيد اللي جابه الحريري
كان حمام بني يخرى المدينة
[اللازمة]
حماة، الديار، عليكم، سلام
حماة (كلنا) الديار (للوطن) عليكم (للعلى) سلام (للعلم)
حماة (كلنا) الديار (للوطن) عليكم (للعلى) سلام (للعلم)
حماة (كلنا) الديار (للوطن) عليكم (للعلى) سلام (للعلم)
حماة (كلنا) الديار (للوطن) عليكم (للعلى) سلام (للعلم)
حماة (كلنا) الديار (للوطن) عليكم (للعلى) سلام (للعلم)
Lirik lagu lainnya:
- lirik lagu derez de'shon - homesick
- lirik lagu thaik - jeremias 11:11
- lirik lagu logan mize - drinkin' buddies
- lirik lagu lil mvti - naszyjnik
- lirik lagu jesse walton - don't go away
- lirik lagu bernard jabs - end goal
- lirik lagu glee cast - you've lost that lovin' feelin'
- lirik lagu jhon myquale - voodoo down
- lirik lagu trilla kid - i need you (luv 2)
- lirik lagu lil sknow - 3 weeks