lirik lagu el rass & munma - my battle
مخنوق، بكيت كتير جوا فامتلى الصدر بحر والافق مسروق
معقول يكون الافق محروق؟ معقول يكون الصدر صندوق والقفل بالعيون؟
لك حاج تقلي روق فكرك صراعي بس مع عسكر ودقون؟
ديكتاتور وصهيون ايراني وسعودي؟ تسليح
مخ مغسول او سطحية الكول أوالعربي البودي؟
معركتي الاصعب مع الجنون
مع اصوات براسي بتقلي: “افعالك بلا قيمة انت مدمن الهزيمة
فركز على التمتع بما انو مرتك عقيمة
مع وسواس خناس بده اهجر الناس
كام مرة خذلوك لما انقبرت فتحت تمك بكم خانة حطوك؟
قبل ما يعرفوك بكام صفة طبعوك؟
اتطلع حواليك هيدا قن مش قمة ولا ناوي تعمل نسر بين الديوك؟
لما طلبت حريتك تختار عن نفسك بكام حجر رجموك؟
بطريق بقلب اسطبل؟ بالرسن لجموك
كام مرة قدموك ضحية الآلهة والآلهة بعثوك ورجعت بالناس توثق ورجعو بعصوك
متأمل بالتغيير؟ عشم ابوك”
معركتي مع قلب خايفو يكون اضعف مني
هو كمان يخذلني بخاف يطلع من تمي وانا عالمسرح عم غني
مع شبكة من كهربا بتكمشني لما حس مع نبض بينجس بكل نقطة دم
معركتي مع مي عقلنتي لما عبي فيها بطني لاتفادى جوع القحت
بدل ما اسقي الأرض
مع تقل بضهري بضل بشدني لتحت
مع اوجاع بجسمي ما فسرها طبيب ولا بيوصفها حبر
معركتي مع مسار افكار اثبات وهم الصبر
لاحتواء انفجار ضغط بخار القهر
والنار تحت القدر عم تلسع يا بوسع حدودي يا بفقع
يا بصير مية شقفة يا بمغيطة حالي بجمع
وعاء الانا مطاط
فلما يضيع الشكل بتختلط الاعمال بالاحباط
فبنكتشف المواهب بالحمام وبنغذي الاوهام مع انو عارفينها اوهام
لاننا بوجه الياس بنركض لقدام،
بنياس كمان قدام ف بنمشي قدام ف بنياس بننكسر ف بنزحف لقدام ف
بنكتشف غلطتنا و بنصب الذاكرة إمام ف بنعكس اتجاه وهيك الورا صار قدام
وهيك كله صار تمام
معركتي مع معاركي انا ليش اصلا بصراع ليش ما بعيف الاشياء بحالها؟
ليش هالقد للاستفزاز بانصاع ما كل الناس مطولة بالها مطنشة؟
ليش ماني ملهي بلقمة عيشي؟ ليه لازم اضطر انفعل واتدارك طيشي؟
معركتي مع سلامي لما بطل اسمع غير صدى صوتي
حصر عشرتي باشباهي مرادف لمشهد موتي
معركتي مع ملامح قلمي بنصف نص بتنفرج
بتصير ضمن اطياف الايمان بتندرج
كانو الاسود عالورقة بصير ابيض ملح
والملح بيكوي الجرح للي بقلبه بعده شايف
معركتي يا معركتي مرايتي يا مرايتي
قولي شو ماتقولي . بطل عقلي خايف
وقفت وحيدا بباب الدموع وحدثت نفسي بصدق الخشوع
فلما وضعت الدموع كلاما استفاق الفؤاد والقى السلام
هيهات ان يضام العاشقون
Lirik lagu lainnya:
- lirik lagu chris shiflett - burn the house down
- lirik lagu delights - i think you should know
- lirik lagu ralph myerz and the jack herren band - the influencer
- lirik lagu hellyname - субботник (subbotnik)
- lirik lagu miyavi - eat eat eat
- lirik lagu ilay - нижняя подсветка вкл (lower backlight on)
- lirik lagu blxst - private show
- lirik lagu to-ma (rus) - помада (lipstick)
- lirik lagu shelf lives - where did i go?
- lirik lagu purple kiss (퍼플키스) - pretty psycho -japanese ver.-