lirik lagu el joker الجوكر - elnadaha | النداهة
اتلونوا التعابين ، ودخلوا بيننا .. قضا وقدر
حتى اللي بان مليان بالتقوى .. فجأة فضى وفجر
العوز كافر خلى أفلاطوننا مضى لغجر
والغابة اللي احنا بقينا فيها هي صدى الخبر
حلوين سيجارتين الدخان ، لكنه شخص دني
غريق محدش بيحبني .. عام بـ مفيش حاجه تهمني
وصل بر الـ انا ، فرمل الزمن قاله هتعدني
وتقتل حته منك كل اما الغربان تقول شدني
غلطنا اه .. اتعلمنا لأ .. مصممين نعاند
نازلين من الجنة عـ الأول .. طالعين النار عـ التالت
لا موتنا موت شريف ، ولا حياتنا حياة بهوات
شقانا كله في البضاعه في قاع الملاحات
بنجود مش بنزود .. لا بنكمل ولا نحود
لا بنمل ولا نتعود .. ولا نحب إلا اللي يموت
كائنات تميل لضرب دماغها في الحيطه الخرسانه
عدم أذى الغير وأذى النفس ده أقصانا
كل يوم بندخل حرب جديدة .. حياة مش سهله
بس مهما حصل كله إلا النداهة اللي بتندهلك
كل يوم بنوصل للسرير .. حياة مش صعبه
بيمشي الحال ، فمشي الحال .. بسط بلاش تستعمق
سما الحب متسيعناش .. أرض المصلحة تشيلنا
في كوابيس مفيش أحلام من كتر ما اتعشمنا
الهدف اللي انت بتستغرب هو انا إزاي وصلته
كان بيني وبينه حيط ضوافري بين حجارته
نفخ فيها ، وطفى سيجارته .. ابتسم ليها .. طول صمته
من ثانية كان متعلق بيها فـ بتتهان كرامته
قالتله روح .. هتيجي ، وبإرادة حرة
هتروحي فين يا شمس! .. ساعة الطلق مرة
وبيهرب الناجي الوحيد من الغابة الموبوءة
وتتحقق النبوءة ، تدب روح في عروق محروقة
واللي بيتعافى متجيبوش الأرض كام سكينه
مسكينه .. سنتين مش عارفه تجيب بوزك في الطينه
سنتين بتصحى معاك تمنها ، وعارف فين مكانها
سنتين مشتاق بشكل يومي ، وعارف تتجنبها
سنتين بتفكر نفسك إن الشجرة دي ملعونة
سنتين بتتوقع تعبان لما تحس بـ نعومه
كل يوم بندخل حرب جديدة .. حياة مش سهله
بس مهما حصل كله إلا النداهة اللي بتندهلك
كل يوم بنوصل للسرير .. حياة مش صعبه
بيمشي الحال ، فمشي الحال .. بسط بلاش تستعمق
Lirik lagu lainnya:
- lirik lagu ante ciento veinte - pecado
- lirik lagu ato-mik - out of this world
- lirik lagu luis eduardo aute - che, que mal
- lirik lagu spent - under false eyelids
- lirik lagu cappuccino fame, don't steal my name - five nights at my demise
- lirik lagu juliander - on & on
- lirik lagu kult - z archiwum polskiego jazzu
- lirik lagu malon - castigador por herencia
- lirik lagu vince gill - daydream
- lirik lagu monster magnet - brainwashed