lirik lagu edd abbas - mafareq - مفارق
[h2z :المقطع الأول]
نظامي بس نظامي
ما بيعرف غير الفوضة زي حضانة
المنيح عم يندعس بالصرامي
الإنسان مش بعقله بس اديه فيه مصاري
ولك بيضحكوا بظهره لما يصير حضاري
لما يكون الطموح
بقياس للفشل
يا بتسعا للهروب
يا بتفتح القيود حتى عقلك ينغسل
ولك بفضل انعزل
تحت سقف القانون
عم ينضرب فيني المثل
بهمة المسؤول صار كلو مبتذل
حتى الحكي صار تحدي زي بيوت من الزجل
بتشكر الودود
لما تقطع هل حدود
لما تربا عالعيوب ما بتعود شوف خلل
يا تضب غراضك يا بتفوت بهل لعبة
بهل مكان صرت أشوف كيف بتكون العملة صعبه
بصراحة
ما شفت النظام غير على بواب السفارة
فبفتش على وطن
بتربه اندفن
[bill amaliyeh :المقطع الثاني]
أفكار سودا ، ورقة بيضا جو رمادي
مني قادر طول بالي ولا قابل لون حالي
الصدق بسبات ، نهج نفاق وشطارة
متل هالبنات لما ترقع بغشاء البكارة
من الحيط تشي غيفارا عم يطلع وقرفان
اني معود دايماً إنو أهرب للامام
خزقت الصورة مينو هوي ليحكمني
الدقايق عم بتمر الهوة عم تاكلني
صاحبتي التركتني قال من غير طوايف كنا
الليلة عم بحرق صورا وحتى القصايد كلا
صرت متل العقرب إللي بالنار محاوط
بفضل حياتي انهي مني عكرامتي مفاوض
وضعي مرت مش قادر سافر وروح
صعبة لما يكون الجسد حي وتغادر الروح
وصيتي طويتا بعدما ختمتا بإمضائي
غمضت عيوني وحطيت الفرض براسي
[edd abbas :المقطع الثالث]
أنا بالمجتمع من الأفراد يلي بتتأقلم مع الفساد
من أغنياء الحرب الكانت تتسوق بالاحداث
عندي معارف ومصالح مع الأعداء
والاصحاب فبعرف أسرار الطرفين
بلعب عالحبلين إنت بتسميا وسخنة
أنا ما بضرب إلا صايب العصفورين بحجري
مالي عبالي ، بالي عمالي
كيف آخد مالك و ضيفو عمالي
سميا قرصنة
إنت مضحكة إلي كيف بتوقف بالدور
أنا بفوت من الباكدور سميا برطلة
مقصدي لو ماشي نظامي كنت بعدني بمطرحك
يا عم بفكر هاجر يا حدا يفدغني بمطرقة
إنت لين متل الdessert الما خلو منو شقفة قد ما كان قلبو طيب
ولك من قلك إنو نوضع النظام لتتبعو ؟؟
حتى الصيصان صار حول هالنظام عم بيلعبو
Lirik lagu lainnya:
- lirik lagu may wave$ - для чего я (dlya chego ya)
- lirik lagu eddy jimmy martin & anthony serra - petit chanceux
- lirik lagu rondell june. - 95 south.
- lirik lagu oral bee - california
- lirik lagu medelo - please don't touch my track
- lirik lagu swag toof - cold streets
- lirik lagu les alchimistes - dans le bain
- lirik lagu dan lellis - deixa baixo
- lirik lagu adolph gandhi - freudentanz
- lirik lagu retrogott & kutmasta kurt - b-boys in bayreuth