lirik lagu bled miki - lib
[intro]
b.l.e.d m.i.k.i
yeaah ! nou lib, nou lib, nou lib !
[couplet 1]
lé zansèt an mwen sòti la i ni dyaman
lé zansèt an mwen lévé la i ni lò
yo prézèwvé nati la pas yo té savan
e tèknoloji yo té ja ni le tchò
kolon n’fòsé yo baké a bò
koran é bib mété yo an bab
lè yo téka pratiké tradisyon ansèstral a yo
zanmi, yo té yenki fò !
fyè é fò yo fè éfò !
yo fè zafè pou yo pa mò !
rivé si pò, fòsé gadé béké konfonn mawchandiz é kò
béké mawchandizé kò !
yo fè yo end-mnizé pa léta
lè on moun ka di mwen sé fwansé
sa ka mèt mwen adan vyé léta
mé an po’o ka chiré paspò
pou lenstan an la ka pwofité
sé jou la sa an ka kojité
si ki jan yo rivé monté on komité
pou komémorasyon lèsklavaj
alòs ki sé yo ki té dèyè sa
dé lè sa ka fou mwen la raj
twòp ti jèn gwada ni beretta
twòp ti jèn gwada ni beretta !
lé vré koupab paka pri an sa !
sé nèg i ka pri ankò on fwa !
malgré sa nou paka pèd fwa !
lè la rivé, alè nou évéyé
solèy la ka kléré, mélanin aktivé
adn pa fasil a siprimé, nou iliminé pa éliminé !
[refrain]
menm elmina téren la té miné
mé nou iliminé, pa éliminé !
illuminati bizwen dominé
mé nou iliméné, pa éliminé !
laminé nou yo bizwen laminé
mé nou iliméné, pa éliminé !
[pont 1]
si ni sa i toujou ni chenn an tèt
sé pas kolon di yo sé dié ki mèt
mé, alè nou sonjé kemet
té ni pwa adan kal a bato la
té ni pwa asi do la
té ni plim asi pwa la
an mèt lank asi plim
avan libèté tini doulè
pou fèt, an fè manman soufè !
[couplet 2]
lé zansèt an mwen sòti la i ni koltan
lé zansèt an mwen lévé la i ni kobalt
òwdinatè èvè pòwtab an nou
rann nou konplis a konbyen krim vrèman imoral
edf, bolloré, engie é total
sa yo fè kontinan an mwen sa two sal
“glyphosate” èvè “chlordéconne” si “île” an mwen
pou anpéché lé pèp konsomé lokal
an plis i pani dlo potab
si ou malad zanmi pani lopital
nou té vlé dévlopé gwada karé
mé yo ba travay la on fòwm èkzagonal
f-ck lédikasyon nasyonal
yo fè nou chanté “charlemagne” an koral
manti a yo yo mété-y a lékri
mé vérité la i ké sòti a loral
mélanin iliminé pwisans ilimité
kon kimpa m’vita, nanny, nzinga ou néhanda nyakasikana
pou chenn la rété an tèt, yo montré nou yenki trèt
mé nou ké “free” tout moun la kon harriet tubman !
[refrain]
menm elmina téren la té miné
mé nou iliminé, pa éliminé !
illuminati bizwen dominé
mé nou iliméné, pa éliminé !
laminé nou yo té vlé laminé
mé nou iliméné, pa éliminé !
[pont 2]
i ja lè pou pété chenn an tèt
réaktivé tout fòs a lé zansèt !
sa ké fèt apa pétèt !
té ni pwa adan kal a bato la
té ni pwa asi do la
té ni plim asi pwa la
an mèt lank asi plim
apré libèté pani doulè
solèy la ka kléré tou lè !
[outro]
mélanin iliminé pwisans ilimité
kon kimpa m’vita, nanny, nzinga ou néhanda nyakasikana
pou chenn la rété an tèt, yo montré nou yenki trèt
mé nou ké “free” tout moun la kon harriet tubman !
Lirik lagu lainnya:
- lirik lagu my life with the thrill kill kult - asylum disciple (set it free remix)
- lirik lagu lil trix - rise of the jedi
- lirik lagu a+ (rap) - gotta have it
- lirik lagu lowkey - don't hide it
- lirik lagu public enemy - the revolution rocks on
- lirik lagu ipo crita - in a swing
- lirik lagu suli4q - with your soul (period) (ft. clardy, adrian truth & cornell gorman)
- lirik lagu joão gilberto - presente de natal
- lirik lagu exzo - benz (feat. junior)
- lirik lagu neffex - make it